Үкімет бұл жұмысты Мемлекет Басшысы Қасым-Жомарт Тоқаевтың тапсырмасы бойынша жүргізуде. Республиканың зардап шеккен облыстарының тұрғындары арнайы құрылған өңірлік комиссияларға тиісті өтініштер береді. Бүгінгі таңда 24 835 өтінім қабылданды. 4 мамырдағы жағдай бойынша 5,7 млрд теңгеден астам сомаға 16 168 отбасы 100 АЕК мөлшерінде біржолғы төлем алды. Құлаған мал үшін төлем көлемі 916 млн теңгеден асты.
Бүгінгі таңда зардап шеккен өңірлерде 4 556 тұрғын үй зерттелді, 2 845 нысан бойынша бағалау жүргізілді. Жөндеу жұмыстарын жүргізуге және тұрғын үйді қалпына келтіруге 696 млн теңгеден астам қаражат бөлінді. Бұл 530 отбасына әсер етті. Зиянды өтеу жұмыстары жалғасуда және Үкіметтің қатаң бақылауында. Ел Президентінің тапсырмасы бойынша барлық зардап шеккен азаматтарға жан-жақты көмек пен қолдау көрсетіледі.