Жалған ақпарат таратқан петропавлдық жауапкершілікке тартылды. 25 жастағы жігіт Instagram желісінде Сергеев су қоймасының ернеуінен асқан су 4 метрді құрағанын айтып, әлеуметтік желіге салып жіберген. Айтуынша, бұл ақпаратты сол жерде видео түсіріп жатқан бейтаныс адамнан естіген. Шын мәнісінде аталған қоймадағы судың биіктігі әлдеқайда аз екен. Жігіт өз кінәсін мойындады. Аталған факті бойынша оған 74 мың теңге көлемінде айыппұл салынды.
Гүлден Сембаева