Облыстық Төтенше жағдайлар департаменті тасқынға қатысты тың деректермен бөлісті. Сергеев қоймасындағы көрсеткіш төмендеді. Таңертең бөгеттің ернеуінен асқан судың биіктігі 4 метр 15 см құрады. Үлкен көлемдегі су Петропавлға жақындап келеді. Жолда Есіл ауданындағы 3 ауылдың 60-қа тарта үйіне кірді. Шұғыл түрде ондаған адам қауіпсіз жерге көшірілді. Оның ішінде 22 бала бар. Сонымен қатар, Шал ақын ауданындағы 6 баспана зардап шекті. Қазіргі таңда аймақта 76 үйді су басқан. Эвакуацияланған адам саны 634-ті құрайды.
Байболат Құлтанов