Облыс орталығында жуырда қалалық қызметтер порталының іске қосылғандығы белгілі. Жобаны әзірлеуші – «Интегро» серіктестігі.
Петропавл – осы жүйе енгізілген 4-ші қала. Портал пайдаланушылары қазірдің өзінде коммуналдық ұйымдардың 37 қызметін қолдана алады. Алдағы уақытта олардың саны артады. «СЕВКАЗЭНЕРГО», «Қызылжар су» және «Горгаз-сервис» кәсіпорындарының мамандарынан құралған комиссия мүшелері бүгін бас қосып, жұмыстарын жүйеге бейімдеу туралы айтты. Сондай-ақ, жаңашылдықты халыққа түсіндіру жайында ұсыныстарын білдірді.
РОМАН ТЮКАНКО, «Интегро» ЖШС өкілі:
– Тұрғындарға ыңғайлы болу үшін арнайы портал әзірледік. Ол қалалық қызметтерді бір платформаға біріктіреді. Бұл жоба алғаш рет осыдан 3 жыл бұрын елордада қолға алынды. Енді Петропавлға жетіп отыр. Әр тұрғын туындымызды пайдаланғанын қалаймыз.
МАҒАУИЯ САҒАНДЫҚОВ, «Севказэнергосбыт» ЖШС бас директоры:
– Біздің міндетіміз – порталдың жұмысын тұтынушыларға түсіндіру, өйткені жаңа жүйе коммуналдық қызметтер мен тұтынушы арасындағы байланыс пен қарым-қатынасты жақсартады.
Мәдина Қаби