“Жүйелік проблема шағын және орта кәсіпкерлік субъектілеріне қатысты салық саясатының жетілмегендігімен байланысты. Дәл осы сұрақ бүгінде бизнес-қоғамдастықтың көптеген шағымдарын тудырады. Ең алдымен, бұл қосылған құн салығына қатысты. Атап айтқанда, оның мөлшерлемесін 12-ден 16% – ға дейін көтеру. ҚҚС мөлшерлемесін көтеру мәселесі отандық кәсіпкерлермен егжей-тегжейлі пысықтауды және талқылауды талап етеді деп санаймыз. Үкімет сонымен қатар бизнеске салық жүктемесінің өсуіне әкелмейтін балама “ауыртпалықсыз” нұсқаларды қарастыруы керек. Бұдан басқа, шешім ҚҚС қайтару мәселесін, сондай – ақ жұмыс берушілерге салықтар мен әлеуметтік төлемдер бойынша 39% – ға жететін жоғары жүктемені сақтауды талап етеді”, – деді Ләззат Рысбекова.
Депутат салық саясатында бизнес пен мемлекет мүдделерінің теңгерімі қажет екенін айтты. Фискалдық шаралар шағын бизнесті ірілендіруге ынталандыруға бағытталуы тиіс.