Қоғамдық бақылау туралы заң отандық және халықаралық сарапшылармен бірлесіп әзірленді. Бұл туралы Орталық коммуникациялар қызметінің алаңында «Қоғамдық бақылау туралы» Заңның негізгі новеллаларын түсіндіру барысында ҚР Мәдениет және ақпарат вице-министрі Данияр Қадыров хабарлады. Ол заң елімізде қоғамдық бақылауды ұйымдастыруға және жүзеге асыруға байланысты қоғамдық қатынастарды реттеуге бағытталғанын жеткізді.
Халықаралық сарапшылармен, 50- ден аса жұмыс топтарының отырыстары өтті. Халықаралық тәжірибе талқыланды. Қоғамдық бақылау және әкімшілік рәсімдер мәселелері бойынша Қазақстан Республикасының 3 кодексіне және 10 Заңына өзгерістер енгізілді. Қазіргі уақытта аталған заңдарды іске асыруға бағытталған 16 нормативтік құқықтық актілер даярланып, құзіретті мемлекеттік органдармен келісу өтіп жатыр.