ҚР Еңбек және халықты әлеуметтік қорғау министрлігі БҰҰ-ның Қазақстандағы Даму Бағдарламасымен бірлесіп отбасының (адамның) әлеуметтік әл-ауқатын айқындау әдістемесін әзірледі.
Ол Азаматтарға отбасының цифрлық картасы арқылы әлеуметтік қолдау шараларын ұсыну үшін пайдаланылатын болады. Жаңа жүйенің мақсаты қазақстандықтардың мемлекеттік қолдауға тең қол жеткізуін қамтамасыз ету болып табылады. Еңбек министрлігінің мамандары БҰҰДБ сарапшыларымен бірге Алкир-Фостер моделін қолдана отырып әзірлеген әдістеменің көмегімен,
Азаматтардың әлеуметтік мәртебесін айқындау мемлекеттік органдардың ақпараттық жүйелерінің деректері негізінде автоматты режимде отбасының цифрлық картасымен жүзеге асырылатын болады.
Осындай модель негізінде құрылған көпөлшемді кедейлік индексі халықтың өмірінің әртүрлі аспектілерін ескеретін әлеуметтік әл-ауқатты өлшеуге көзқарас болып табылады.
Бұл әл-ауқаттың негізгі параметрлерін анықтауға, әлеуметтік қолайсыздық топтарын анықтауға және проблемаларды жеңу үшін әлеуметтік саясаттың бағыттарын анықтауға мүмкіндік береді.