Қазақстанда мүгедектікті растау процесін жеңілдету бойынша жұмыс жүргізілуде.
Орталық коммуникациялар қызметінің алаңында өткен брифингте хабарлағандай, медициналық-әлеуметтік сараптама жүргізілетін жерде органдарға қағаз түрінде тапсырылуы қажет құжаттар саны қысқартылды.
ҚР Еңбек және халықты әлеуметтік қорғау министрлігімен бірге мүгедектікті сырттай ресімдеу бойынша пилоттық жоба іске қосылды, ол екі жылдан бері сәтті жалғасып келеді.
Болашақта онлайн растауға болатын аурулардың тізімін кеңейту жоспарлануда.
Денсаулық сақтау вице-министрі Бейбіт Есенбаев бұл мүгедектікті растау процесін одан да жеңілдететінін атап өтті.