Арандатушылықты көздеген топтың әрекеті ойға қонымсыз дейді облыстық Қазақстан халқы ассамблеясының өкілдері. Олар әлеуметтік желіні шарлаған видеодан облыс тұрғындарын адамдардың үндеулеріне көнбеуге шақырды. Ассамблея өкілдері оқиғаның мән-жайын тәртіп сақшылары тексеруі керек деп есептейді.
ВЛАДИМИР ВИТЧЕНКО, СҚО ҚХА төрағасының орынбасары:
– Олардың қалай және қай жерде жиналғаны белгісіз. Жиналған зал да біздің өңірде орналаспауы әбден мүмкін. Құқық қорғау органдары тиісті шаралар қабылдауы керек.
АЛЛА КУВШИНОВА, СҚО ҚХА қайырымдылар клубының төрағасы:
– Біз тәуелсіз Қазақстанды дамыту жолында еңбек етудеміз. Әрдайым бейбітшілік пен келісімді қолдаймыз. Бұдан былай арандатушылықтың түбегейлі тамыры жойылады деп ойлаймыз.
Гульден Симбаева