Оқушылар сарайында да мерекелік атмосфера. Нысан кіреберісінде көрме қанат жайған. Мұнда аудан және қала жастарының жұмыстарды мен мұңдалап тұр. Жеткіншектер наурыздың 1-ші жұлдызынан бүгінге дейін бұл суреттерді “Наурыз бояулары” сайысына арнайы салыпты. Көрмеге тек жеңімпаздардың суреттері қойылыпты. Мекеменің екінші қабатында сайыста топ жарған таланттар марапатталды.
Суреттер 7 номинация бойынша бағаланды. 16 жастағы Дәния Мерғалимова кескіндемеде топ жарды. Қағазға ол домбыра тартып ортекені билеткен қазақ қызын түсірген. Сондай-ақ, картинаны ұлттық оюлармен әсемдей түсіріпті.
ДӘНИЯ МЕРҒАЛИМОВА:
– Бұл сайысқа 3-ші рет қатысып жатырмын. Сурет салумен бастауыш сыныптан бері айналысамын. Осыдан төрт жыл бұрын көркемсурет мектебіне жазылып, шеберлігімді дамыттым.
“Наурыз бояулары” атты сайысқа 95 ұл-қыз қатысқан. Олар – 7 оқу ұясының шәкірттері. Айта кетейік, суретшілер додасы Наурыз мерекесі қарсаңында жыл сайын ұйымдастырылады.
ЛЮДМИЛА ЗАЙНУТДИНОВА, “ЮНЕСКО” клубы көркемсурет мектебі директорының орынбасары:
– Сайыстағы суреттер бір-біріне ұқсамайды. Ұл-қыздар көктем мезгілін, қазақ халқының салт-дәстүрлері мен Наурыз мерекесін тойлау барысын қағаз бетіне түсірген. Балалардың белсенділігі қуантты. Жерлестерімізді талантты жастардың суреттерін тамашалау үшін көрмеге шақырамыз.
Сайыста топ жарған суретшілерге грамоталар берілді. Сондай-ақ, тың туындылар салу үшін бояу үлестірілді.
Алдияр Айтпаев