Білімді, дана, өз сөзінде тұратын және патриот. Облыстық әйелдер күші альянсының мүшесі, білім беру орталығының директоры Аида Уәлиева депутат атанған жанда осындай қасиеттер болуы керек дейді.
АИДА УӘЛИЕВА, облыстық әйелдер күші альянсының мүшесі:
– 19 наурызда өтетін сайлау барлық қазақстандықтар үшін өте маңызды. Себебі, біз ҚР азаматы болғандықтан өзіміздің азаматтық борышымызды атқаруымыз керек. Сайлауға жауапкершілікпен қарауымыз керек. Себебі, ол -біздің болашағымыз.
Білікті педагог сайлауға қатысу – азаматтық борыш деп санайды. Жалпы, әр азамат сайлауға немқұрайлы қарамай, елдің дамуына ықпал ететін науқанға бір адамдай қатысуы қажет.
АИДА УӘЛИЕВА, облыстық әйелдер күші альянсының мүшесі:
– Сол сайлауға қала, облыстан мәжіліске белсенді, өз істерінің шеберлері кандидаттықтарын ұсынуда. Сайлауда белсенді болайық. Біздің болашағымыз – өзіміздің қолымызда.
Естеріңізге сала кетейік, сайлауға небәрі 3-ақ күн қалды. Жалпы, саяси додада 550-ден астам солтүстікқазақстандық бақ сынамақ.
Самал Жунусова