Облыс әкімі Айдарбек Сапаров Петропавлдағы құрылыс нысандарын аралап, әлеуметтік нысандарды салу бойынша жаңа жобалармен танысты. «Жас өркен» шағын ауданында ескі үйлер сүрілгеннен кейін балабақша мен мектептің құрылысы басталады. Сондай-ақ, «Береке» шағын ауданында түзету мектебі, дене шынықтыру-сауықтыру кешені, балабақша және орта мектептің құрылысына жер телімдері белгіленді. Өңір басшысы тиісті мемлекеттік органдарға барлық дайындық жұмыстарын уақытында аяқтап, көктемде әлеуметтік нысандардың құрылысын бастауды тапсырды.
Байболат Култанов