Кеше Петропавлда тағы да су құбыры жарылды. Салдарынан Береке, Привокзальный мен Жұмысшы кентінің тұрғындары тіршілік көзінің жоқтығынан немесе су қысымының төмендігін айтып шағымданды. 80-жылдары іске қосылған желіде осымен 3-ші рет апат орын алып отыр. Мамандар тұрғындарға су беру үшін қысымды жоғарылату жұмыстарын жүргізді. Нәтижесінде басқа желіге қосу арқылы сағат таңғы 5 кезінде тіршілік нәрі қосылды. Су қысымы тұрақталды. Қазір шағым жоқ. Ақау орын алған жер анықталуда.
Алтынай Казиканова