Түркиядағы зілзаладан жапа шеккендерге теріскейлік кәсіпкерлер де көмектесуде. “Прогрес” тігін фабрикасының басшылығы бүгін бауырлас елге сыртқы киім дайындай бастады. Апат орын алған аймаққа барлығы 400 куртка жөнелтілмек. Оның арасында 200-і – балаларға, қалғаны ересектерге арналған. Гуманитарлық көмек бүгін Астанадағы Түркия Республикасының елшілігіне жеткізіліп, кейін ағайынға аттандырылмақ.
ДИНАРА ТӨЛЕГЕНОВА, “Прогрес” тігін фабрикасы” ЖШС PR-менеджері:
– Бауырлас елден киім тігу үшін маталар әкелеміз. Қиын сәтте қолдамасақ болмайды. Бүгін 2 млн теңгенін киімін жіберудеміз. Оның ішінде қызметтік киімдер де бар. Қазір ол жақта аяз алқымнан алып тұр. Сол себепті, жылы киімдерді жөнелтпекшіміз. Компания мұндай гуманитарлық көмекті алғаш рет көрсетіп отыр.