Өткен айда Петропавлда рөлге масаң күйде отырған 20 жүргізуші ұсталды. Соңғы жайдайлардың бірі бірер күн бұрын орын алды. “Нива” көлігінің жүруі тәртіп сақшыларының күдігін тудырған. Рөлде отырған адам тоқтатылады. Түнгі 3-те 36 жастағы қала тұрғынынан алкоголь иісі мүңкіп тұрған. Десе де, ол медициналық куәләндіруден бас тартыпты. Осылайша, өз жағдайын ушықтырған. Әдетте көлікті масаң күйде басқарғандар 15 тәулікке қамауға алынып, 7 жылға рөлге отырудан шектетіледі. Ал бұл заң бұзушы тексерістен жалтарғаны үшін 15 тәулікке қамауға алынып, көлік басқару құқығынан 8 жылға айырылды.
Алдияр Айтпаев