Шетелдік автокөліктерді онлайн заңдастыруға да болады. Арнайы сервис eGov.kz порталы мен eGov Mobile мобильді қосымшасында ұсынылды.
Оны Электрондық үкімет порталының басты бетіндегі «Сервистер» бөлімінен және «Көлік және коммуникациялар» – «Автомобиль көлігі» бөлімінен табуға болады. Сонымен қатар, eGov Mobile мобильді қосымшасының «Жүргізу және көлік» бөлімінде қолжетімді. Өтініш беру үшін көлік иесі мына талаптарды орындауы керек:
– тұрғылықты жері бойынша тұрақты тіркелу;
– Қазақстан Республикасы азаматтығының болуы;
– мобильді азаматтар базасында (МАБ) тіркеудің болуы;
– автокөліктің және көлік құралының бұрынғы иесі туралы барлық қажетті мәліметтерді толтыру;
– тексеруге сұрау жіберу;
– көлік құралын тексеруден өткізу үшін Арнайы ХҚКО-ға электрондық кезекті брондау.
Байболат Култанов