Спортсүйер ағайынға сүйінші жаңалық! «Qyzyljar» ФК УЕФА Конференциялар лигасында сенсация жасады. Солтүстікқазақстандық команда азулы хорватиялық «Osijek» ұжымын қарсылас алаңында қарымта матчта тізе бүктірді. Бұл ойында 0 де 2 есебі тіркелді.
Гол авторлары – Георгий Иваниадзе мен Мусса Коне. Естеріңізге сала кетейік, алғашқы кездесуде жерлестеріміз қарсыластан 1 де 2 есебімен ұтылып қалған болатын. Дегенмен, қос ойын нәтижесі бойынша петропавлдықтар келесі кезеңге жолдама алды. Енді Конференциялар лигасы аясында «Qyzyljar» ФК тамыздың 4-і күні кипрлік «АПОЭЛ»-мен мықтыны анықтайды. Бірақ, оған дейін командамыз ел кубогы аясында оралдық «Akzhaik»-пен кездеседі. Матч 31-ші шілде күні сағат 18:00-де Петропавлда өтеді.
Алдияр Айтпаев