Бүгінде облыста 400-ден астам мектеп болса, соның жартысында бейнебақылау камералары тұр. Аудандағы білім ұяларының видеожазбасын негізінен полиция бөлімінің мамандары қадағалайды, ал қаланыкі департаменттегі жедел басқару орталығына келіп түседі.
Облыстық білім басқармасының мамандары мен тәртіп сақшыларының қатысуымен өткен жиында мектептегі қауіпсіздікті қамтамасыз ету мәселесі талқыланды. Мамандардың айтуынша білім беру нысандарының барлығында бейнебақылау жүйесі, «дабыл» батырмасы мен күшейтілген күзет болуы қажет.
МИХАИЛ ЗОЛКИН, СҚО ПД бөлім басшысы:
– Мемлекет басшысының жолдауы аясында 2022 жыл – Балалар жылы деп жарияланды. Осыған байланысты балалардың қауіпсіздігін арттыру мақсатында мектептерде бейнекамералар қоямыз. Құрылғылар жедел басқару орталығына қосылады.
Самал Жунусова
