ҚР Президенті жанындағы Мемлекеттік басқару академиясы оқуға құжат қабылдауда

МТРА жаңалықтары

18:17 12 Шілде 2022

Биыл 6 солтүстікқазақстандық ҚР Президенті жанындағы Мемлекеттік басқару академиясының магистрі атанған.

Соның бірі – Мәкен Ержан. Азамат академияда 2 жыл білім алыпты. Қазір жинақтаған тәжірибесін жұмыс барысында тиімді қолдануда.

Мәкен ЕРЖАН, “СҚО әкімінің аппараты” КММ ауыл шаруашылығын дамыту бөлімінің басшысы:
– 2020 жылы ҚР Президенті жанындағы Мемлекеттік басқару академиясына түсу мүмкіндігі туды. Өзім “Экономика” мамандығы бойынша магистратураға түстім. Академия біліміңді арттырып, өз-өзіңді жетілдіруге көмектеседі. Әрбір мемлекеттік қызметшіге Мемлекеттік басқару академиясында білім алуға кеңес беремін.

Жыл сайын ҚР Президенті жанындағы Мемлекеттік басқару академиясында магистратураға – 120, ал докторантураға 12 грант бөлінеді екен. Ал жақында академияға кезекті мәрте құжат қабылдау басталды.

Лаура Қайыржанова, ҚР Президенті жанындағы Мемлекеттік басқару академиясы СҚО бойынша филиалының директоры:
– Бүгінгі таңда біздің облыста академияны аяқтап, мемлекеттік қызметте еңбек етіп жүрген азаматтардың саны – 16. Маусым айында 6 жас маман магистр дипломын алды. Биыл құжаттарды қабылдау шілденің 23-не дейін жалғасады. Қажетті деректерді Apa.kz.сайтында онлайн тапсыруға да болады.

Биыл академияға түсемін дейтін жандардан шет тілін білу талап етілмейді. Бірақ, мемлекеттік тілді білу деңгейі “В1”-ден төмен болмауы керек. Айта кетейік, ағымдағы жылы ҚР Президенті жанындағы Мемлекеттік басқару академиясында 600-ге жуық мемлекеттік қызметші қайта даярлаудан өтіпті.

Дана Ешкенова

Бұдан әрі оқыңыз

«Қазақстан халқына» қоры білім беру гранттарына байқау жариялады
QULAN коллекциялық монеталары сатылымға шығарылды
Мемлекет басшысы Мәдениет және спорт министрін қабылдады
Әйелдерге арналған шеберлік сағаты
Премьер-Министр: бизнес алаңсыз жұмыс істеуі керек
Мемлекеттік қолдаудың аясында кәсібін кеңейткен нәзікжанды
«Jas Otan» жастар қанатының атауы өзгерді
“Барс-Строй”-дағы тауарлар таңдай қақтырады
Қазақстанда 3 жылда 2 мыңнан астам заңсыз көлік құралы тіркелді
Петропавлдағы көпір бір айға жабылды
Петропавлда “Асар-ume” қоғамдық қорының форумы өтті
4-ші ғасырға тиесілі қос жылқының сүйегі табылды