Қала тұрғыны тәртіп сақшыларына 19-шы ғасырда жасалған қару табыс етті

МТРА жаңалықтары

17:32 8 Шілде 2022

Петропавлдық азамат жергілікті ішкі істер органдарына бір жарым ғасыр бұрын жасалған қару өткізді. Ер адам оны ескі гаражды бұзып жатқан кезде тауып алған. Көне қару еденнің астына жасырылыпты.

Олег Волошин – қала тұрғыны:

– 19-шы ықшам ауданында тұрған гаражды бұзып жатқан едік рубероидқа оралған зат тауып алдық. Ашып қарасам ішінде мылтық бар екен. Оны матаға орап алып, қалалық полиция бөліміне әкеліп өткіздім. Тәртіп сақшылары бұл сирек кездесетін үлгі екенін айтты.

Табылған қару 1870 жылы жасалған Бердан винтовкасы екені анықталды. Ескірген винтовка өткен ғасырдың 20-шы жылдары 31-ші калибрлі қару ретінде өзгертіліп, аңшылық мылтығы ретінде сатылған. Халық арасында оны «фроловка» дейді екен.

Мейрам Шаришев – қалалық ПБ бөлімше бастығы:

-Бұл – сирек кездесетін қару. Бізге көбінесе Ижев зауытында жасалған тегіс ұңғылы мылтықтарды әкеліп өткізеді. Мынадай үлгі алғаш рет тіркеліп отыр.

Мылтық атуға жарамсыз деп танылды. Тарихи жәдігер облыстық полиция департаментінің музейіне тапсырылады.

Данаш Хамзина

Бұдан әрі оқыңыз

МТРК жаңалықтары 10.08.2022
Жас сарбаздар ант қабылдады
Петропавлда сыраға масайып алған жасөспірім анықталды
Бүгінгі күннің батыры
Экстремизмнің алдын алу
Өңір тұрғындары «Wildberries»-тен ақшаларын қайтара алмай жүр
Қыстың қамын жаз ойла
Жылыту маусымына дайындық жұмыстары
Көрнекі ақпараттарды тіл туралы заңға сәйкестендіру
Ауылдың ажары кірмек
МТРК жаңалықтары 02.08.2022
Биыл өңірде 184 жол-көлік оқиғасы орын алған