МТРА жаңалықтары

«Jas Оtan» жастар қанатының VI съезіне өңірден 11 делегат қатысады

 

Сәбит Мұқанов атындағы облыстық кітапханада «Jas Оtan» жастар қанатының ХІХ конференциясы өтті. Оған оффлайн және онлайн форматта 40-қа жуық адам қатысты. Мақсат – шілденің 11-і мен 14-і аралығында Зерендіде өтетін съезд қатысушыларын сайлау.

Республикалық деңгейдегі алқалы жиынға еліміздің түкпір-түкпірінен 350-ден аса делегат қатысады. Соның 11-і теріскей өңірінен.

БІРЖАН ҚҰДАЙБЕРГЕНОВ – «Jas Оtan» ЖҚ СҚОФ төрағасы
–  Бұл съезд – тарихи мәні зор съезд. Себебі, «Jas Оtan»-ның аты өзгерейін деп жатыр. Осы жуырда өткен 1 наурызда партиялық съезде “Nur Otan”-ның аты “Amanat” болып ауысты. Осыған байланысты «Jas Оtan»-ның да атының өзегеруі күтілуде. Тарихи шешімді облысымыздан барған 11 делегат қолдайды.

Съезге қатысуға әуелде 40-қа жуық жас ниет білдірген. Бірақ, соның ішінен 11-ін таңдап алу керек. Үміткерлер – олар белсенділер, спортшылар, блогерлер мен жас депутаттар сауалнама толтырып, мотивациялық хат жазуда бәсекеге түсті. Нәтижесінде съезд делегаттарының қатарына қалалық мәслихат депутаты Гумар Нұртаза қосылды.

ГУМАР НҰРТАЗА – қалалық мәслихат депутаты
– Осы съезге тағайындалғаныма өте қуаныштымын. Өте қиын болды: бүкіл жастардан анкеталар алынды. Одан тыс мотивациялық хат жазылды, өзімнің ішімдегі ойларымды жеткізу мүмкіндігін алғаным үшін өте қуаныштымын.

Бүгінде «Jas Оtan» жастар қанатына өңірден 4 мың жас мүшелік етеді.