Семсерлесуден ел чемпионаты өтіп жатыр

Спорт

22:22 22 Маусым 2022

Петропавлда семсерлесуден ҚР чемпионатының салтанатты ашылуы өтті. Қолда – семсер, үстерінде – қорғаныш киімі, ал бастарында – дулыға. Ортада – қызу айқас.

Бәсекелестер қарама-қарсы тұрып бір-бірін спорттық жабдықпен түйреуде. Бұл спорттың ережесі де қатаңдау. Сайысу мерзімі 6 минуттан аспайды. Сайысшының дайын тұруы, кеудеше, қарсы шабуыл және өзге де ережелері бар. Ең бастысы, қарсыласынан бұрын қылышын ерте сермеген ғана жеңіске жете алады.

ЖОЛДАСБЕК ТҰРЛЫБЕКОВ – чемпионаттың бас төрешісі
– Семсерлесудің жекелей және командалық сындары болады. Семсерлесу – жазғы Олимпиада ойындарының бағдарламасына кіретін спорт түрлерінің бірі. Бұл спорт түрі адамның ептілігін шыңдап, жылдамдығын арттырады.

Бүгін Петропавлға еліміздің түкпір-түкпірінен 130-ға жуық спортшы қатысып жатыр. Барлығы – 10 облыстан келіп отыр. Жарысқа қатысушылардың жас шамасы 8-бен 14-тің аралығында. Алматы қаласының өкілі Сергей Юрченконың айтуынша қарсыласы осал болмаған. Оны өзінің шапшандығының арқасында жеңген.

СЕРГЕЙ ЮРЧЕНКО – чемпионатқа қатысушы, Алматы қаласы
– Семсерлесумен айналысып жүргеніме 5 жылдай болып қалды. Бұған дейінгі жарыстарда 2-3-ші орындарды иеленіп жүрдім. Осы жолы 1-ші орын аламын деген үміттемін. Бұл спорт түрінде шапшаңдық пен ептілік қажет. Тез қимылдап, қарсыласыңа өзіңнің сенімділігің мен күшіңді көрсетуің керек.

Петропавлда маусымның 18-інен бері өтіп жатқан ел чемпионаты 24-інде аяқталады. Үздіктер Азия чемпионатына қатысады. Оның қашан өтетіні әлі белгісіз.

Бұдан әрі оқыңыз

3 ұпай қоржынға түсті
Петропавлда Халықаралық Олимпиада күніне орай веложарыс өтті
Кәсіпқой бокстағы жерлесіміздің кезекті жеңісі
БАҚ өкілдері арасында спартакиада өтті
“Qyzyljar” ФК УЕФА-дағы ықтимал қарсыластары белгілі болды
Петропавлда грек-рим күресінен республикалық турнир өтіп жатыр
Петропавлда Халықаралық йога күні аталып өтті
Жүзушілер ел біріншілігінен жүлделі оралды
Жеңіліс…
“KUANISH” қыздары тарап жатыр
Жергілікті алаңдағы жеңіс
Муайтайшылар әлем чемпионатында жүлделі орынға ие болды