Петропавлда “Мерейлі отбасы” байқауы өтті

МТРА жаңалықтары

18:27 21 Маусым 2022

«Мерейлі отбасы» қалалық байқауының жеңіпаздары анықталды. Отбасылық байқауда бақтарын сынап әрі үздік атанған жанұялардың бірі – Шамшудиновтер.
Бүгінгі марапаттау сәтіне отбасының отағасы ғана қатыса алды. Ринат Шамшудинов жарымен бірге 3 жыл бұрын шаңырақ көтерген. Бүгінде 2 бала тәрбиелеп отыр.

РИНАТ ШАМШУДИНОВ, байқауға қатысушы
– Мен бұл конкурс жайында жұмыста білдім. Неге қатысып көрмеске деп ойландым. Қатысқаныма еш өкінбеймін. Ұлым – менің мақтанышым. Соның жетістіктерін паш еттік. Енді алдағы облыстық кезеңге дайындалуымыз қажет.

Мамырдың 15-інен бастап бір ай көлемінде өткен байқауға қатысуға 20-ға жуық отбасы өтінім берген. Арасынан алтауы іріктеліп алынған. Іріктеуден өткізген комиссия 13 адамнан тұрады. Таңдау барысында отбасының жетістіктері ескеріліпті. Бүгін үлгілі отбасылардың барлығына арнайы сыйлықтар табыс етілді. Ал үздіктеріне сертификат пен ақшалай сыйлық тарту етілді.

АЗАТ ИБРАЕВ, қалалық ішкі саясат бөлімінің басшысы
– Отан отбасыдан басталады. Бала тәрбиесіне ерекше мән беретін отбасыдан ел игілігі үшін қызмет ететін адал адам өсіп шығады. Отбасылық құндылықтарды дәріптеу мақсатында осындай байқауларды жиі ұйымдастырып тұрған абзал. Сайыстың қорытындысы бойынша екі жанұя облыстық кезеңге өтті. Олардың әрқайсысына 100 мың теңгелік сертификаттан табыс еттік. Қалған 4 отбасы алғыс хатпен және естелік сыйлықпен марапатталды.

“Мерейлі отбасы” байқауының облыстық кезеңі осы жазда өтеді. Оған қалалық кезеңде үздік атанған Шамшудиновтер мен Мухиндер отбасылары қатысады.

Бұдан әрі оқыңыз

Сала ардагерлері естеліктерімен бөлісті
Елімізде зейнетақының орташа мөлшері 105 мың теңгеден асты
Қала тұрғыны гаражынан граната тауып алды
Биыл облыста балалардың терезеден құлау фактісі тіркелген жоқ
Шал ақын ауданында алдағы уақытта 4 ірі инвестжоба іске асырылады
Нашақорлыққа қарсы күрес күніне арналған айлық қорытындыланды
СҚО-да ата-аналық міндетті орындамаудың 400-ден астам фактісі тіркелді
МТРК жаңалықтары 08.06.2022
Қалалық №592 сайлау учаскесіне 2 мыңнан астам адам тіркелген
Референдумға солтүстікқазақстандықтар белсенді қатысып жатыр
Петропавлда Мағжан туралы телесериалдың түсірілімі бастау алды
СҚО-да 9 қоқыс полигоны құрылады