Тұрмыстық зорлық-зомбылыққа жол жоқ

МТРА жаңалықтары

18:12 17 Маусым 2022

Сүйіп қосылған жары 16 жыл бойы күш көрсетіп, ұрып-соққан.

Екі ай бұрын 32 жастағы келіншек кәмелетке толмаған 2 қызын алып, үйден кетіп қалған. Ажырасуға бел буған нәзікжандының айтуынша жолдасы күнделікті ұрыс шығарып, отбасының әбден шырқын бұзған. Барар жері, басар тауы қалмаған келіншек әйелдерді зорлық-зомбылықтан қорғау орталығына жүгінген.

ЛЮФТ
Әйелдер осындай қиын жағдайға түскенде қорықпай, осындай орталықтарға жүгіну керек. Бұл жерде тыныш, күйеуден зорлық-зомбылық жоқ. 

Өкінішке қарай, статистика көрсетіп отырғандай, өңірде жанжалқой күйеулерінен қорлық көретін әйелдер аз емес. Сондықтан, полиция қызметкерлері отбасылық-тұрмыстық құқық бұзушылықтардың алдын алу мақсатында маусымның 13-інен «Отбасындағы зорлық-зомбылыққа жол жоқ!» атты республикалық акция өткізіп жатыр. Іс-шара барысында тәртіп сақшылары нәзікжандыларға проблеманы жасырмай, тиісті мамандарға жүгінудің маңыздылығын түсіндіруде.

Әсия Абжанова, СҚО ПД ЖПҚБ аға инспекторы:
– 5 жыл бұрын СҚО-да тұрмыстық зорлық-зомбылықтан зардап шеккен жандарға арналып орталық ашылды. Бұл жерде нәзікжандыларға әлеуметтік-психологиялық және заңгерлік көмек көрсетіледі. Уақытқа келсек, үйінде жәбір көрген адамдар бұл орталықты 6 ай паналай алады. Жалпы, жыл басынан бері мұнда 42 адам орналастырылған. Араларында кәмелетке толмаған балалар да бар.

Мамандар жыл басынан бері жанұяның берекесін қашырған 1300-ге жуық адамға қатысты ұйғарым шығарған. Ал бірнеше рет ереже бұзған 77 жан әкімшілік жауапкершілікке тартылды.

Дана Ешкенова

Бұдан әрі оқыңыз

Нашақорлыққа қарсы күрес күніне арналған айлық қорытындыланды
МТРК жаңалықтары 08.06.2022
Петропавл 2-ЖЭО-да құлаған мұржа демонтаждалып жатыр
«Балаларды қорғау күні» акциясы
«Жолда қабылдау» акциясы
Жергілікті университет ұжымы референдумға дайындалып жатыр
Облыстық ардагерлер кеңесінің мүшелері елордаға экскурсиямен барып келді
Петропавлда “Агро Қызылжар”көрмесі өтті
Мемлекеттік рәміздер – елдіктің символы
Петропавлда алаяқтар бір күнде 12 адамға телефон шалған
Петропавлда бір күнде екі бірдей жол-көлік оқиғасы тіркелді
Баспана – бас қайғы