Өңірде есірткіге қарсы профилактикалық айлық басталды

МТРА жаңалықтары

23:29 27 Мамыр 2022

Өңірде есірткіге қарсы профилактикалық айлық бастау алды. Осыған орай облыстық әкімдікте СҚУ колледжі студенттерінің қатысуымен жиын өтті. Бұл тақырып қазір жастар арасында өзекті. Өйткені, осыдан 10 жыл бұрын наша саудалайтындардың жасы 25 пен 40-тың аралығын құраса, қазір 25-тен аспайды екен.

ЖАНДОС БАСЫБАЕВ, СҚО ПД есірткі қылмысына қарсы іс-қимыл басқармасының бастығы:
– Жыл артқан сайын нашақорлық жасарып келеді. Бүгінде есірткі бизнесі әлеуметтік желілерде кең етек жайған. Пысықайлар көбінесе кәмелетке толмағандарды алдап, манипуляция жасап, өз істеріне тартады.

Ал Алдияр Сағынов – нашақорлықпен күресіп жүрген жастардың бірі. 16 жастағы студент психотроптық заттардың таралуына қарсы өткізілген іс-шараларға қатысқан екен.

АЛДИЯР САҒЫНОВ, СҚУ колледжінің студенті:
– Бұл іс-шара пайдалы болды. Есірткіге қатысты көптеген мәселелер қаралды. Менің ойымша, қазіргі таңда нашақорлық, заңсыз бизнес өте өзекті. Мұндайға жол бермеу қажет. Балалар кішкентайынан спортпен айналысып, зиянды заттардан алыс жүрулері тиіс.

Өңірлік полиция департаментінде осыған ұқсас профилактикалық іс-шаралар “Дүниежүзілік нашақорлыққа қарсы күрес күніне” дейін, яғни 26 маусымға дейін өткізілмек.

ЖАНДОС БАСЫБАЕВ, СҚО ПД есірткі қылмысына қарсы іс-қимыл басқармасының бастығы:
– Бүгіннен бастап мемлекеттік органдар түрлі конкурстар мен іс-шаралар өткізеді. Олар: денсаулық сақтау, ПД, дене шынықтыру және спорт басқармасы, ішкі саясат басқармасы. Осы айлықтың соңында қорытынды шығарылады. Конкурс жеңімпаздары марапатталады.

Жалпы, жыл басынан бері өңірде есірткіге қатысты 90 заңбұзушылық тіркелген. Заңсыз айналымнан алынған зиянды заттың көлемі 18 келіден асып жығылады.

Самал Жунусова

Бұдан әрі оқыңыз

Өңірдің Құрметті азаматы Сергей Пресняков 100 жасқа толды
Жол сапасы бақылауда
Петропавл қаласының әкімі отставкаға кетті
Тергеу изоляторына экскурсия ұйымдастырылды
Петропавл көшелерін ақ мамық басты
Дүкен сөрелеріндегі ойыншықтардың дені тиісті талапқа сай келмейді
ЕС-164/3 түзету мекемесінде ашық есік күні өтті
Беларусь аяқ киімдерінің жәрмеңкесі жаңа топтамамен толықты
Биыл М.Жұмабаев ауданында қандай шаруа тындырылмақ?
Петропавлда Мағжан туралы телесериалдың түсірілімі бастау алды
Екінші республика. Жаңа саяси модельге көшу
Облыстық эссе байқауының жүлдегерлері марапатталды