Тергеу қызметі, қылмыстық іздестіру мен мемлекеттік автоинспекция ардагерлері.
Полиция департаментінде өткен жиынға өңірде жылдар бойы қоғамдық қауіпсіздік қамтамасыз еткен тәжірибелі офицерлер жиналып отыр. Ведомство бастығы Айдын Қабдұлдинов жедел-қызметтің жұмысты тиімді ұйымдастыруда алдыңғы толқынның атқаратын рөлі орасан зор екенін атап өтті. Әсіресе, жас буынды тәрбиелеуде, бағыт-бағдар нұсқауда.
Абылғазы Ғабдуллин, СҚО ПД кадрлық саясат басқармасының бастығы:
– Қазіргі уақытта Ұлттық ұлан мен ішікі істер органдарында бастауыш 20 ұйым бар. Оған 2 мыңнан астам зейнеткер біріккен, соның 500-ге жуығы Ұлттық ұлан ардагерлері болса, қалғаны – полиция ардагерлері. Төрағалардың барлығына тиісті жұмыс жағдайлары жасалған.
Жиын барысында ардагерлер қауымы қоғамдық қауіпсіздікті қамтамасыз етіп жүрген мамандардың материалдық-техникалық тұрғыда қамтылу қарқынын сұрады.
Айдын Байматов – СҚО ПД жергілікті полиция қызметі басқармасының бастығы:
– 2021 жылы учаскелік инспекторларға арналып шетелдік 76 қызметтік көлік сатып алынды. Сондай-ақ, оларға 226 жеке компьютер, 50 планшет және қызметтік көліктерге тағылатын 17 дауыс зорайтқыш табыс етілді.
Айдын Байматовтың айтуынша учаскелік инспекторлардың заманауи құрал-жабдықтармен қамтылуы жүктелген барлық міндеттерді орындауға септеседі. Мамлют, Уәлиханов аудандары мен Петропавл қаласында өткен жылдан бері баспанамен қосарланып салынған учаскелік полиция пункттері жұмыс істеп тұр. Ал биыл бірнеше ауданда осындай 4 нысан ашу жоспарланып отыр. Осы ретте ардагерлер учаскелік полиция қызметінде де тәлімгерлік бағытты жандандыру қажеттігі туралы ұсыныстарын білдірді.
Данаш Хамзина