Қазақстанда тәулігіне 40 мың адам коронавирус жұқтыруы мүмкін

Денсаулық сақтау

22:42 12 Қаңтар 2022

Қазақстанда тәулігіне 40 мың адам коронавирус жұқтыруы мүмкін. Кеше ғана Денсаулық сақтау министрі лауазымына тағайындалған Ажар Төлеғалиева елдегі эпидемиологиялық жағдайға болжам жасады.

Ведомство басшысының айтуынша, республикадағы эпидахуал күрт нашарлаған. Бұған басты себеп – “омикрон” штамының таралуы. Бүгінде Нұр-сұлтан, Алматы және Шымкент қалалары мен Атырау облысы – “қызыл аймақта”. Алдағы күндері елімізде науқастардың саны ұлғаюы ықтимал. “Оптимистік сценарий бойынша тәулігіне 17,5 мың адамға дейін індетке шалдығуы мүмкін”,- деді Ажар Ғиният Үкімет отырысында.

Ажар Ғиният, ҚР Денсаулық сақтау министрі:

– Ал реалистік сценарийге сәйкес коронавирусқа қарсы вакцинаны қайта алғандар саны 70%-дан төмен болса әрі профилактика шараларын ішінара сақтаған күннің өзінде тәулігіне ауру жұқтырудың 25,5 мың жағдайға дейін тіркелуі ықтимал. Сондай-ақ, пессимистік сценарий кезінде ревакцинациямен 40%-дан аз қамтылғанда, профилактика шараларын сақтамағанда тәулігіне 40 мың жағдайға дейін тіркелуі мүмкін”.

Дана Ешкенова

Бұдан әрі оқыңыз

Дәрі-дәрмек бағасын тұрақтандыру қорымен тек 2 дәріхана келісім жасасқан
Қазақстан денсаулық сақтау деңгейі бойынша 58-орынға тұрақтады
Үкімет дәрілік заттарды цифрлық таңбалау тарифін бекітті
Жаз мезгілінде жедел жәрдем шақырту жиілеген
Әлеуметтік сақтандырудың тиімді тұстары
Қалалық емхана 16 жас маманмен толықты