СҚО-да бөтеннің 5 қойын атып, етін бөліп алғандар анықталды

Құқық қорғау органдары

23:45 3 Қыркүйек 2021

Солтүстік Қазақстан облысында бөтеннің 5 қойын атып, етін бөліп алғандар анықталды. Жақында Аққайың аудандық полиция бөліміне жергілікті тұрғын жүгінген. Нәзікжанды 39 бас Шопан ата төлінен көз жазып қалыпты.

Мамандар бірден іздеу шарасына кіріскен. Тура 1 тәуліктен кейін тұяқтылар табылыпты. Олар іргедегі Мағжан Жұмабаев ауданына өтіп кеткен екен. Алайда, санақ кезінде 5 бастың жетпейтіндігі белгілі болған. Тәртіп сақшылары төңіректі шарлап, орманнан күйік шалған қой бастарын табады. Полицейлер жақын маңайда ағаш дайындаумен айналысып жатқан бригаданы тексереді. Сонда 43 жастағы бригадир мен 46 жастағы жұмысшы үй жануарларын атып, етін бөліп алғандарын мойындайды. Екеуі де – Булаево қаласының тұрғындары. Еттің бір бөлігі – сол жерден, қалғаны күдіктілердің үйінен табылады. Тағы, бригадирден тіркелмеген 16-шы калибрлі аңшылық мылтық пен 6 оқ тәркіленеді. Келтірілген шығын көлемі – 1 миллион 300 мың теңгенің үстінде. Жалпы, жыл басынан бері өңірімізде 22 мал ұрлығы тіркелген. Олардың 20-ның беті ашылыпты.

Руслан Сапаров, Аққайың аудандық полиция бөлімінің бастығы:

– Орын алған факті бойынша қылмыстық іс қозғалды. Күдіктілер қамауға алынды. Қазіргі таңда тергеп-тексеру амалдары жүргізіліп жатыр. Тұрғындардан малдарын қараусыз қалдырмауды сұраймыз. Иесіз жайылған төрт аяқтылар жоғалып кетуі немесе ұрылардың олжасына айналуы мүмкін. Әрі жол-көлік оқиғасын тудыру ықтимал.

Байболат Култанов

Бұдан әрі оқыңыз

Жауапты істі абыроймен атқарып жүрген тәртіп сақшылары
Таныспағаны үшін телефонын тартып алған
90 солтүстікқазақстандық жалған шaқырту үшін жауапкершілікке тартылған
СҚО-да 3 күнде 9 интернет-алаяқтық фактісі тіркелді
Патриоттық тәрбие отбасынан басталуы керек
СҚО-да есірткіні шамадан тыс қолданған 3 адам қаза тапқан
Өңірде “Учаске” жедел-алдын алу іс-шарасы өтуде
Бидай ұрламақшы болғандар ұсталды
Төрттүлігін қараусыз жайылымға жіберген
Петропавлда аялдама әйнегін сындырған қыз қолға түсті
Скутер тізгіндеген баукеспелер
СҚО-да 2 сібір елігін атып алған үшеу ұсталды