Қалалық мәслихаттың 7-ші сессиясы өтті

МТРА жаңалықтары

21:43 23 Тамыз 2021

Қалалық мәслихаттың 7-ші сессиясында тек шаһар әкімі баяндама жасады. Болат Жұмабеков алғашқы 6 айдағы Петропавлдың әлеуметтік-экономикалық даму көрсеткіштерін қорытындылап, екінші жартыжылдыққа дайындық жоспармен бөлісті. Айтуынша, биыл облыс орталығына тартылған инвестиция көлемі біршама артқан. Қаңтар-маусым айлары аралығында шаһарымызға 46,5 млрд. теңге қаржы құйылыпты. Бұл қаражат былтырдан 37,2 пайызға көп.

Болат Жұмабеков, Петропавл қаласының әкімі:

– Бұл жақсы көрсеткіш. Себебі, індетке қарамастан қалаға тартылған инвестиция көлемі артты. Сондай-ақ, өнеркәсіп көлемі өткен жылдың сәйкес кезеңімен салыстырғанда 10,8 пайызға артты.

Шаһарда кәсіппен айналысқысы келетін жандардың да қатары артып келеді. Мәселен, қазіргі уақытта «Бизнестің жол картасы-2025» бағдарламасы аясында 480 жоба жүзеге асырылып жатыр екен. Іскер азаматтарға мемлекеттен жан-жақты қолдау көрсетілуде. Оларға қайтарымсыз гранттар үлестіріліп, төмен пайызбен несие берілуде. Күн тәртібінен түспейтін тағы бір мәселе бар. Ол – құрылыс. Биыл қалада 40 мың шаршы метр баспана қолданысқа берілген. “Халықты тұрғын жаймен қамту жұмыстары тоқтамайды”,- дейді Болат Жұмабеков.

Болат Жұмабеков, Петропавл қаласының әкімі:

– Биыл 40 мың шаршы метр үй қолданысқа берілді. Қазіргі уақытта 46 көппәтерлі үйдің құрылысы жүргізілуде. Жыл соңына дейін 27 көпқабатты үйді қолданысқа беру жоспарланған.

Болат Жұмабеков соңғы уақытта қоғамның қызу талқысына түскен автобустар жайына да тоқталды. Қала ішінде жолаушы тасымалдау үшін 100 бірлік су жаңа қоғамдық көлік сатып алынғаны мәлім. Бүгінде оның 80-і Петропавлға жеткізіліп, 30-ы маршрутқа шығарылыпты. Қазіргі таңда қалғандарының құжаттары рәсімделіп жатыр. Жалпы, жыл соңына дейін автобустардың барлығы кісі тасымалдауға шықпақ.

Бердимурат Баймухан

Бұдан әрі оқыңыз

Театр труппасы 5 адаммен толықты
СҚО-да «Еңбек» бағдарламасы аясында 700-ге жуық адам өз ісін ашқан
ӘМСҚ алғашқы жартыжылдықта 470 мыңнан астам өтініш түскен
Петропавлда сенбілік өтті
Қазақстандықтардың 64 пайызы вакцина алды
2021 жылғы 13 қыркүйектегі “МТРА жаңалықтары” қорытынды ақпараттық бағдарламасы
Алғашқы студентке «1С: кәсіпқой» сертификаты табысталды
2021 жылғы 26 тамыздағы “МТРА жаңалықтары” қорытынды ақпараттық бағдарламасы
Қызылжарлықтар бақша өнімдерін жинауда
Муниципалдық телеарнаға – 23 жыл
Б.Мусин: Қазақстанның Еуразия орталығында цифрлық хабқа айналуға нақты мүмкіндігі бар
Орақ науқанына қажетті техниканы ұрламақ болған