Түнгі рейд

Құқық қорғау органдары

21:37 16 Тамыз 2021

Тамыздың бесінші жұлдызынан – түсіндіру жұмысы, қорытындысында – рейд. Петропавлдық тәртіп сақшылары «Балалар профилактикасы және бақылау» акциясының соңғы күні көшеде тексеріс шарасын ұйымдастырды. Түнгі 12 жарым. Бұл уақытта мобильді топ Жамбыл көшесіндегі «Тайга» сауда үйінің маңында екі жігіт пен екі қызды тоқтатты. Тілдесу барысында үш жасөспірімнің кәмелетке толмағаны анықталды. Қыздар ата-аналарын алдап далаға шыққан екен. Нәтижесінде олармен әңгіме жүргізілді, ал оқиға орнына шақыртылған әке-шешелеріне әкімшілік хаттама толтырылды.

Мамандар шақырту бойынша “Береке” ықшам ауданына да барды. Мұнда тұрғындар ішімдік ішетін және түн тыныштығын бұзатын көршілеріне қатысты шағым білдірген. Аталған мекенжайда 34 жастағы әйел мен оның 4-ші және 8-ші сыныпта оқитын балалары анықталды. Инспекторлар нәзікжандымен әңгіме жүргізіп, ҚР Әкімшілік құқық бұзушылық туралы кодексінің 127-бабы «Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау» бойынша хаттама толтырды. Сондай-ақ, профилактикалық есепке қою үшін ювеналдық полиция бөлімшесіне шақырды.

Айгүл Кәрімова,- қалалық ПБ ювеналдық полиция бөлімшесінің аға инспекторы:

– Көршілердің шағымы бойынша Береке ықшам ауданындағы бір отбасы тексерілді. Үй іші антисанитариялық жағдайда, лас болды. Балалардың киімдері лас болды. Ата-аналары ювеналдық полицияға есепке қойылды. Сондай-ақ, әкімшілік кодекстің 127-бабының 1-бөлігі бойынша әкімшілік жауапкершілікке тартылды.

Мобильді топ “Береке” ықшам ауданы мен орталықтан бөлек, “Уют”, “Ойқала” және Жұмысшы кентінде болды. Мұнда да бауыр еті балаларының тәрбиесіне көңіл бөлмейтін ата-аналармен әңгіме жүргізілді, ұл-қыздарға заңбұзушылықтар жайлы айтылды. Өзекті мәселе қанша көтерілгенімен, қоғам арасында кәмелетке толмағандардың қатысуымен түрлі факті тіркелуде. Көп жағдайда мұның соңы есепке қоюмен, тәртіп сақшылары тарапынан ұдайы тексеріспен аяқталады. Қазіргі күні қалалық полиция басқармасының есебінде 48 жас тұр екен. Олардың 47-сі үстіміздегі жылы қойылыпты.

Байболат Култанов

Бұдан әрі оқыңыз

6 мыңнан астам петропавлдық көлік салығын төлемеген
СҚО-да көші-қон қызметінің мамандары 4 мыңға жуық заңға қайшы әрекет тіркеген
Өңірдің 7 полицейінің шені өсті
Мамандандырылған ауданаралық әкімшілік сотына 170-ке жуық талап арыз түскен
Қызылжар ауданында 17 жастағы жігіт граната тауып алды
Өңірде “Учаске” жедел-алдын алу іс-шарасы өтуде
СҚО-да үздік жедел уәкіл анықталды
“Жолда қабылдау” акциясы өтті
Солтүстікқазақстандық 8 жарым млн теңгеге алданып қалды
Патриоттық тәрбие отбасынан басталуы керек
СҚО полицейлері жалған емшілікпен айналысқан әйел адамды ұстады
СҚО-да 50-ден аса адам маскүнемдіктен емдеуге жіберілді