Өңірімізде жедел-профилактикалық іс-шара маусымның 9-ы күні бастау алды. Содан бері полицейлер арнайы есепте тұрған 4300 адамды тексерген. Араларында тұрмыс деңгейі төмен отбасылардың да өкілдері бар. Мамандар осындай 300-ден астам үйге бас сұққан екен. Тексеріс қорытындысы бойынша кәмелетке толмағандардың істері жөніндегі комиссияға ата-ана құқығынан айыру және шектеуге қатысты 12 материал жолданған. Ал мына шаңырақта өзгеше жағдай. Мұнда маскүнем күйеуінен ажырасқан әйел тұрады. Ол бүгінде тұрмыстық мәселелерді шешіп, жұмысқа орналасыпты. Ендігі бар ойы – балаларын қайтару.
–Потом нам надо будет решать вопрос, чтобы забрать уже детей, сроки подходят, дети уже сколько там находятся.
Тексерілген 2 мыңнан астам адам – ішкілікке салынған жандар. Айта кететіні, жедел-профилактикалық іс-шара басталғалы бері 15 кісіге қатысты материал жиналып, мәжбүрлі түрде емдеуге жіберілген. Онын ішінде әйелдер де бар. Көбісі ащы судың арбауынан арылуға дайын.
–Я вот ради дочери, чтоб этого не повторилось, то, что у меня было, я жить хочу со своей семьёй, со своими внуками.
Сонымен қатар, жедел-профилактикалық іс-шара барысында тұрмыс саласына қатысты 301 құқық бұзушылық тіркелген. Оның 147-сін
полиция қызметкерлері тексеріс үстінде анықтапты.
Айгүл Кәрімова – қалалық ПБ жергілікті полиция қызметі бөлімінің аға инспекторы :
– Осы күндер аралығында ювеналдық полиция және жергілікті полиция қызметі бөлімдерімен бірлесіп есепте тұрған отбасылар тексерілді. Сонымен қатар, қолайсыз отбасылар бар. Олармен әңгімелесулер жүргіздік.
Жалпы, жедел-профилактикалық іс-шара басталғалы 860 әкімшілік құқықбұзушылық анықталған. Оның жартысы – топтасып ішімдік ішкен және қоғамдық жерде масаң күйде жүрген жандарға қатысты. 200-ден астам ата-ана балаларының түн ішінде көше кезуіне жол берген. 14 адам қорғау ұйғарымын бұзған. Бұған қатысты ескерту беріледі немесе 5 тәулікке қамауға алу көзделген.
Байболат Култанов