Ел бойынша соңғы аптада тіркелген жағдайлардың саны 15 мыңнан 12 мыңға дейін, яғни 12 пайызға төмендеген. Ал бір айдың ішінде коронавирус жұқтыру деңгейі 1,6 есеге азайыпты. Ел бойынша төсек-орындардың толымдылығы 28 пайызды құрайды. Өткен тәулікте мыңнан астам адам ковид-19-ға тест тапсырып, диагнозы расталған. Олардың 41-і – солтүстікқазақстандықтар. Қазіргі уақытта қызу жүріп жатқан вакциналау науқаны аясында 2 млн қазақстандық екпенің – бірінші компонентін, 1 млн-нан астамы толық иммундау шарасынан өтті.
Алексей Цой, ҚР Денсаулық сақтау министрі:
– Екпе егу қосындарында вакцина жеткілікті. Бірінші компоненттің – 330 мыңға жуық, екінші компоненттің 811 мың данасы бар. Маусым айында коронавирусқа қарсы 2 млн дозаға жуық препарат жеткізіледі. Бүгін «CoronaVac»-тың 500 мың данасын алдық. Осылайша, Қазақстанда 4 вакцинаның біреуін таңдау мүмкіндігі бар.
Эльмира Садвокасова