Өткен жылы дәріханаларға 600-ге жуық тексеріс жүргізілген

МТРА жаңалықтары

21:05 22 Ақпан 2021

Аққайың ауданында дүкен иесі азық-түлікпен бірге заңсыз / дәрі-дәрмек саудалап келген. Бұл фактіні мониторингілік топ өкілдері өткен жылы жүргізген тексеріс барысында тіркеген.
Бақылау шаралары биыл да жалғасын тапты.

Өңірде дәрі-дәрмек қоры жетерлік. Мәселе бағада болып отыр. Дәрі-дәрмекке қатысты жасанды тапшылықты болдырмау, алыпсатарлардың жолын кес-кестеу және бағаның шарықтауына жол бермеу мақсатында арнайы мониторингілік топ жұмыс істеуде.

Виктория Алпеева – СҚО бойынша экономикалық тергеу департаменті басқармасының басшысы:

– Мониторингілік топ құрамына экономикалық тергеу департаменті, полиция, прокуратура, әкімдік және сыбайлас жемқорлыққа қарсы қызмет мамандары кіреді. Біз күнделікті Денсаулық сақтау министрлігі бекіткен 41 медикаменттің бар-жоғын әрі бағасын тексеріп отырамыз. Қазір дәрі-дәрмек тапшылығы жоқ.

Тапшылық жоқ, бірақ заңбұзушылықтар бар. Өткен жылы арнайы мониторингілік топ өкілдері өңірдегі дәріханаларға 600-ге жуық тексеріс жүргізген. Нәтижесінде 8 кәсіпкер әкімшілік жауапкершілікке тартылды. Олардың қатарында Аққайың ауданындағы іскер жан да бар. Ол дүкенінде азық-түлікпен қатар дәрі-дәрмекті де заңсыз саудалаған.

Виктория Алпеева – СҚО бойынша экономикалық тергеу департаменті басқармасының басшысы:

– Ал қаңтар айында 42 дәріхана бойынша мониторинг жүргіздік. Ақпанда 32 тексеріс өтті. Нәтижесінде қаладағы дәріханалардың бірінде бұзушылық анықталды. “Тромбопол” препараты белгіленген бағадан қымбаттау саудаланған. Дәріхана иесіне ескерту жасалды. Нысан – біздің бақылауымызда. Тексеріс жұмыстары әлі де жалғаспақ.

Естеріңізге сала кетейік, бүгінде өңірде дәрі-дәрмек бағасын тұрақтандыру қоры жұмыс істейді. Оның аясында 6 дәріхана келісім жасасқан.

Ешкенова Дана

Бұдан әрі оқыңыз

БАҚ-тағы мемлекеттік тілдің жағдайы сөз болды
Облыстық әкімдіктің отырысы өтті
СҚО-да 4 саяси қуғын-сүргін құрбаны ақталды
Азық-түлік сапасына қатысты рейд өтті
Мемлекеттік комиссия мүшелері архив жұмысымен танысты
Мемлекеттік рәміздерге құрмет көрсетілді
Тұрғындар саяжайларына жаяулап жетіп жүр
Ауылдық округ әкімдерін сайлау өтеді
Облыс әкімі жұмыс сапарымен Тайынша ауданына барды
Өңірде көктемгі егіс жұмыстары қызу жүріп жатыр
Аққайың ауданына Германиядан симментал тұқымды ірі қара әкелінді
Мемлекеттік кірістер комитеті жаңа мобильдік қосымшаны іске қосты