Өскемендіктерге қарсы өткен қос матч құлагерліктердің пайдасына шешілді

Спорт

21:32 25 Қаңтар 2021

Өскемендіктерге қарсы өткен қос матч құлагерліктердің пайдасына шешілді! Жергілікті “Qulager” хоккей клубы қаңтардың 22-ші және 23-ші күндері “Алтай Торпедо” командасымен күш сынасты.

2 ойында да солтүстікқазақстандықтардың асығы алшысынан түсті. Бірінші кездесуде теріскейліктер қарсыластарын 5 те 3 есебімен ұтты.
Ал қарымта бәсекеде тіпті ойсырата жеңді. Бұл матчта жерлестеріміз шығысқазақстандықтардың қақпасына жауапсыз 4 бірдей шайба салды. Көзге түскендер – Илья Ахметов, Альберт Вишняков, Федор Хорошев пен Станислав Логинов. Қос жеңістен кейін қоржынымыз 6 ұпаймен толықты. Бүгінде “Qulager” турнирлік кестеде 7-ші орында тұр.

Александр Троицкий – “Qulager” ХК бас бапкері:

– Бұған дейінгі қарсыластарымыз мықты болды. Сол ойындарда жігіттер мол тәжірибе жинады әрі айдында бірін-бірі жақсы түсінісе бастады. Нәтижесін соңғы қос матчтан байқауға болады. Қазір “Qulager” жылдам және әдемі шабуылдайды. Шайбаны да үсті-үстіне соғады. Қарсыластарымызға келетін болсақ, “Алтай Торпедо” – жас команда. Соған қарамастан ойынның соңғына дейін лайықты қарсылық көрсетті. Бізді қолдаған жанкүйерлерге алғысымды білдіремін.

 

Алдияр Айтпаев

Бұдан әрі оқыңыз

“Qyzyljar” ФК ресейлік “Ленинградец” командасына есе жіберді.
“Qulager” ХК өскемендік “Торпедо” командасына есе жіберді
Өңір аударыспақшыларының өнері
СҚО-да жекпе-жек пен белбеу күресінен облыстық чемпионат өтті
“Qulager” ХК павлодарлық ұжымды қос кездесуде де тізе бүктірді
Кикбоксингтен Солтүстік Қазақстан кубогы өтуде
Петропавлда суда жүзуден жарыс өтуде
Футболдан ел біріншілігі наурыздың 13-і күні басталады
Дубайдан жүлдемен оралды
Өңір акробаттары Тәуелсіздіктің 30 жылдығына арнап шара өткізді
Петропавлда жаңа спорт клубы ашылды
“Qulager”-дің жарқын жеңісі