“Солтүстік-2020” қысқы спорт мерекесі жалғасуда

Спорт

21:09 31 Қаңтар 2020

Өңірде дәстүрлі “Солтүстік-2020” қысқы облыстық ойындары өтіп жатыр. 4 күн бұрын  Тимирязев ауданында жалауын желбіреткен дода  бүгін Петропавл қаласында жалғасын тапты. 13 ауданнан жиылған 26 әуесқой спортшы тізімге биыл алғаш рет қосылып отырған  тау шаңғысынан бақтарын сынады.

Әр ауданнан 2 спортшыдан қатысып жатыр. Әрқайсысына 2 мүмкіндіктен берілген. 300 метр қашықтықты кедергілерден өту арқылы бағындыру керек.

Павел Полукеев Мамлют ауданынан келген. “Солтүстік-2020” қысқы ойындарына талай рет қатысыпты, бірақ дәл тау шаңғы спортынан бағын алғаш рет сынауда.

Павел Полукеев: жарысқа қатысушы, Мамлют ауданы:

– Қар біз үшін таңсық дүние емес қой. Мұндай спорт түрінің қосылғаны орынды деп ойлаймын. Өзім бала кезімнен шаңғы тептім. Бұның түк қиындығы жоқ, бастысы жақсылап жаттығу керек.

Арман Рахметов Тимирязев ауданынан келіпті. Бір рет сырғанап өткен спортшы екінші ретте жылдамдығын асыруға тырысты.

Арман Рахметов: жарысқа қатысушы, Тимирязев ауданы:

 – Әзірге, жеңіс туралы айту ерте, себебі ертең 10 шақырымды еңсеруіміз керек. Жалпы, нәтиже жаман емес деген ойдамын.

Әзірге, спорттың бұл түрінен жігіттер ғана бағын сынауда. Нәтиже жақсы болса, келесі жылы әйелдер де қатыспақ.

Жалпы, дәстүрлі “Солтүстік-2020” облыстық қысқы мерекесіне биыл мыңға жуық спортшы бәсекелесуде. Ойынның финалдық кезеңінде қатысушылар шорт-трек, шаңғы спорты, шайбалы хоккей және футзалдан сынға түсетін болады. Ол ақпанның 21-і мен 23-і аралығында Тимирязев ауданында өтпек.

 

 

 

Актолкын Солтанханкызы

 

Бұдан әрі оқыңыз

Ел чемпионатында өнер көрсеткен зілтеміршілер Петропавлға оралды
“Құлагер” ХК тағы да жеңіліс тапты
Солтүстікқазақстандық дзюдошы ел чемпионатының күміс жүлдегері атанды
Петропавлда 120-ға жуық жеткіншек шорт-трекпен айналысады
“Qyzyljar” ФК Украинаның 2 командасына қарсы жолдастық кездесу өткізеді
“Qulager” қарымта кездесуде ұтылып қалды
“Qulager” ХК ағымдағы жылдағы алғашқы ойында жеңіліс тапты
«Qyzyljar» ФК-ның биылғы бюджеті 1 млрд 350 млн теңгені құрайды
«Qyzyljar» ФК жаңа маусымға дайындықты бастады
Жергілікті хокейшілер жеңіліске ұшырады
Хоккейшілеріміз қатарынан жетінші рет жеңілді
“Qyzyljar М” ФК жаңа маусымға дайындалуда