Парламент мүшелері жергілікті депутаттармен кездесті

МТРА жаңалықтары, Қоғам

22:12 14 Қаңтар 2020

Шетелден көлік айдап әкелген жандар салық төлеуі тиіс. Осындай мәселені жергілікті депутаттар Парламент мүшелеріне жеткізді. Сондай-ақ, халық қалаулылары денсаулық сақтау заңнамасына өзгертулер енгізумен қатар, ақ халаттылардың мәртебесі жайлы да сөз қозғады.

Жиында көптің көкейінде жүрген сұрақтар қаралды. Облыстық аурухананың бас дәрігері әрі облыстық мәслихат депутаты Юрий Белоног ақ халатты абзал жандарға арналып бірыңғай әлеуметтік кепілдендіру пакеті жасалса дейді.

Юрий Белоног – облыстық мәслихат депутаты:

– Елімізде медициналық кадрлардың жетіспейтіні бәрімізге мәлім. Сол себепті, дәрігерлер үшін бірыңғай пакет жасау керек деп ойлаймын. Яғни, үкімет бәрін бірдей баспанамен қамтып және белгіленген сомада көтермеақы беруі тиіс. Өйткені, медицина қызметкерлеріне жасалған жағдай әр өңірде әр түрлі.

Депутаттар бұл мәселені қарастырып, түйінін шешуге тырысатындықтарын жеткізді.
Жиында шетелдік көліктерді тіркеу жайы да қаузалды. Қазіргі күні мұндай темір тұлпарлардың иелері машиналарын тіркемек түгілі көлік салығын да төлемейді. Облыстық мәслихат депутаты Владимир Притчин тиісті заңға өзгерту енгізу қажет дейді.

Владимир Притчин, облыстық мәслихат депутаты:

– Өзекті мәселе бақылаусыз қалып жатыр. Шетелден машина алып келген жандар көлік салығын төлемейді. Біз олардың ортақ тәртіпке бағынып, тиісті соманы мемлекет қазынасына аударуды сұраймыз.

Жиында жергілікті халық қалаулылары бұдан да бөлек мәселелерді көтерді. Парламент депутаттары проблемаларды қарастыратындықтарын жеткізді.

Бердимурат Баймухан

Бұдан әрі оқыңыз

“Ватрушкалар” қаншалықты қауіпті
Шетелдік келіп-кетушілерге қатысты ережеге өзгеріс енгізілді
Өңірде “Қауіпсіз қала” атты акция өтуде
2020 жылға болжам: Тышқан жылы сәттілік әкеледі
Жаңажылдық шаршаның шығу тарихын білесіз бе?
Кәсіптен нәсіп тапқандар
Игорь Дементьев өмір бойына бас бостандығынан айырылды
Бескөл ауылындағы қос қабатты үйлер орталық жылыту желісіне қосылуда
Облыс әкімі жұмыс сапарымен Айыртау ауданында болды
Еріктілер қарияға көмектесті
Мемлекет басшысының мақаласы жарық көрді
Облыс әкімінің шыршасы өтті