Колледж студенттері қала көшелерін безендіруде

Қоғам

21:56 24 Желтоксан 2019

Жаңа жыл қарсаңында облыс орталығын безендіруге жастар да өз үлесін қосып жатыр. Осы орайда Солтүстік Қазақстан кәсіптік-педагогикалық колледжінің студенттерін атап өтуге болады. Олар 50-ге жуық сәулеттік форма әзірлеп, Борки кентінің көшелеріне орнатқан.

Мына көздің жауын алатын жаңажылдық жарқылдақтарды Солтүстік Қазақстан кәсіптік-педагогикалық колледжінің студенттері әзірлепті. Олар алдымен заттың үлгісін қағазға салып алады. Кейін темірді балқытып, біріктіріп, қаңқасын жасайды екен.

Бұдан соң, жұмысты болашақ электриктер жалғастырады. Жігіттер қатарластары жасаған темірге түрлі жарқылдақтарды іледі. Кейін барлығы бірге жануы үшін сымдарды өзара байланыстырады. Мысалы, қазір студенттердің бір тобы қар бүршігін әрлесе, келесілері шаршаның астына қойылатын шарларды безендіруде. Бүгінге дейін талантты ұлдар 50-ге жуық сәулеттік форма дайындапты.

Максим Федоров – Солтүстік Қазақстан кәсіптік-педагогикалық колледжінің студенті:

– Дайындаған дүниелер колледж маңына ғана емес, барлық Борки кентіне сән береді. Қаланы көркейтуге аз да болсын үлес қосып жатқанымызға қуаныштымыз.

Дайын болған заттарды далаға қою ғана қалды. Қазір мұнда осы және келер жылдың нышандары – шошқа мен тышқанның мүсіндері орнатылған. Мына жақта да қызу жұмыс. Студенттердің тағы бір тобы шағын төбешікке су құйып, сырғанақ жасауда. Қазіргі таңда Жаңа жыл мерекесіне қаламыздағы Солтүстік Қазақстан кәсіптік-педагогикалық колледжінен бөлек, өзге де білім ошақтары дайындалып жатыр.

Зәуреш Тобулбаева – облыстық білім басқармасының бөлім басшысы:

– Бүгінде Борки кентін Солтүстік Қазақстан кәсіптік-педагогикалық колледжінің жастары безендіруде. Ал Петропавл машина жасау колледжінің ұл-қыздары Жәлел Қизатов көшесінің бойына сән беруде. Бәйкен Әшімов атындағы Петропавл темір жол көлігі колледжінің білім алушылары вокзал маңын құлпыртуда.

Сөз соңында Боркидегі мұз айдынына да тоқталайық. Осыдан бір жұма бұрын кенттегі кортқа су құйылып, халық игілігіне беріліп отыр. Мұнда адамдар хоккей ойнап, коньки тебе алады.

Ақтолқын Солтанханқызы

Бұдан әрі оқыңыз

Заңдағы олқы тұстар талқыланды
Жалғызбасты қарияға көмек
“Солтүстік Қазақстан” облыстық қоғамдық-саяси газетіне – 100 жыл
Табиғи монополияларды реттеу департаменті қоғамдық қабылдау өткізді
ҚР ҰҰ 6637 әскери бөлімінде 180-ге жуық сарбаз ант қабылдады
Кеңес әскерлерінің Ауған жерінен шығарылғанына – 31 жыл
Биыл жылудың тарифі өсуі мүмкін
ЕС-164\3 мекемесінде шығармашылық секция ашылды
Биыл Әбу Насыр әл-Фарабидің дүниеге келгеніне – 1150 жыл
Петропавлда балаларға арналған аспаздық мектеп ашылды
Ирина Сидельникова блокада жайлы
Колледж студенттері тыл еңбеккерін мерейтойымен құттықтады