Облыстық мәслихат депутаты 90 жастағы қарияға монша салып берді

МТРА жаңалықтары, Қоғам

21:50 4 Желтоксан 2019

Үлкенге – құрмет, кішіге – ізет. Бұл қастерлі қағиданы ұмытпаған жергілікті халық қалаулыларының бірі / 90 жастағы тыл еңбеккеріне монша салып берді. Жалғыз тұратын Сәлтай Өмірзақова нысанды жаңартуды көптен бері қалаған екен. Кейуананың арманы 20 күннің ішінде орындалған.

Сәлтай Өмірзақова құрылысы аяқталып қалған нысанды көрген сайын жүзі жадырап, көңілі орнына түседі. Қарияның осыған дейін моншасы болған, бірақ әбден тозығы жеткен екен. Сол себепті, кейуана биліктен нысанды жаңартып беруді сұраған. Бұл өтінішімен егде жастағы жанның барған жері, баспаған тауы қалмапты.

Сәлтай Өмірзақова – тыл еңбеккері:

– “Nur Otan”-ға бардым, өз мәселемді айттым. Жуық арада мәслихатта қоғамдық қабылдау болады, сонда келіңіз деді. Сонда барып едім мұнда мына кісі болды. Онда депутатттар, заңгерлер болды. Сол кезде Рашбиль:”Апа, мен сізге көмектесемін,”- деді. Сөзінде тұрды.

Сәлтай әже айтып отырған азамат – Рашбиль Евдаев. Облыстық мәслихат депутатына ақ жаулықты ана қазан айының соңында «Nur Otan» партиясының қоғамдық қабылдауында жолыққан екен. Кездесуде кейуана өзінің базынасын жеткізіп, көмек сұраған. Қарияның сөзі жерде қалған жоқ. Қарт ананың жағдайымен танысқан халық қалаулысы уақыт жоғалтпай, бірден іске кіріскен.

Рашбиль Евдаев, облыстық мәслихаттың депутаты:

– Қария 90 жастамын дегенде бірден көмектесемін деп шештім. Себебі, дүние алма-кезек екенін ұмытпауымыз керек. Менің бұл игі ісім адамнан болмаса да Құдайдан қайтады. Сол себепті, қабылдауға келген адамдардың барлығына қол ұшын созып, аз да болсын көмегімді көрсетуге тырысамын.

Монша емен ағашынан тұрғызылған. Берік әрі суық өткізбейді. Нысанды тұрғызуға 20 күндей уақыт кетіпті. Қазір құрылысшылар соңғы ішкі жұмыстарын аяқтап жатыр.

Байболат Култанов

Бұдан әрі оқыңыз

«Бала еңбегін пайдалануға қарсы 12 күн» акциясы
Биыл 400-ден астам мемлекеттік қызметші оқытудан өткен
Заманауи аялдамалардың әйнектері ауыстырылуда
Өңірде заңсыз аң аулау фактісі тіркелді
Қол күшінің орнына – құлтемір
Мамандандырылған ХҚКО-да жемқорлыққа жол ашық па?
Мұздай судың ішінде 10 сағат бойы тұрған балықшы құтқарылды
Ғ.Мүсірепов ауданында жөндеу жұмыстары қызу жүргізілуде
Ауылын алға тартқан кәсіпкер
СҚО-да Армениядан әкелінген 115 автокөлік тіркелді
Көпбалалы отбасыларға берілетін жәрдемақы мөлшері өсті
Гиппократ антына адал жандардың төл мерекесі