Палуандар жеке жаттығу базасына ие болды

Спорт

21:49 6 Қараша 2019

Былтыр облысымызда «Қызылжар арландары» атты қазақ күресі спорт клубы құрылған болатын. Ұйымға солтүстікқазақстандық 20-дан аса палуан мүшелік етеді. Олар қазіргі күні республикалық және халықаралық додаларда өңір намысын абыроймен қорғап жүр. Бүгін бұл жандар жеке жаттығу базасына ие болды.

Жеңіс үздіксіз жаттығу арқылы келеді. Ендеше спортшыларға қолайлы жағдай жасалуы керек. Бұған дейін өлкеміздің белді палуандары үшін арнайы жаттығатын орын болмаған еді. Бүгін оларға бөлек спорттық база беріліп отыр. Өңіріміздің болашақ Қажымұқандары енді осы жерде шынығатын болады.

Дамир Бекбосынов – «Қызылжар арландары» қазақ күресі спорт клубының жаттықтырушысы:

– Басшылықтың үлкен қолдауымен осындай база беріліп отыр. Көлемі 300 шаршы метрді құрайды. Бізге сенім білдіріп жағдап жасалып жатқаны үшін ризамыз. Қазір Қызылорда қаласында өтетін ел чемпионатына дайындық өтіп жатыр.

Спорттың базаның маңында жатақхана бар. Оның ішінде ас үй, киім жуатын бөлме және 23 жатын орын қарастырылған. Қазақ күресінің дамуына үлес қосып жүргендердің бірі Алтынбек Аусағитов мұндай жасалған мүмкіндікке дән риза.

Алтынбек Аусағитов – «Қызылжар арландары» қазақ күресі спорт клубының мүшесі:

– Осыған дейін «Шаңырақ» спорт мектебінде жаттығатынмын. Ол жердегі зал тарлау болды. Қазір осы жерге көшіп келіп, жатақханада тұрып жатырмын. Спортзалға жақын. Бұрынғыдай барып-келуге көп уақыт кетпейді. Өте қолайлы.

Сондай-ақ, мұнда «Күрес» балалар мен жасөспірімдер спорт мектебінің тәрбиеленушілері келіп, тәжірибелі балуандармен кездесіп тұрады екен. Жігіттер өздерінің ізбасарларына шеберлік сағаттарын өткізіп, ақыл-кеңестерімен бөліседі екен. Бүгін мұнда Аян Төсекбай да келген. Жеткіншек жуырда Нұр-Сұлтан қаласында өткен «Жас Барыс» республикалық чемпионатында жүлделі орыннан көрініпті.

Аян Төсекбай – «Күрес» балалар мен жасөспірімдер спорт мектебінің тәрбиеленушісі:

– Менің күреспен айналысқаныма 5 жыл болды. Нұр-Сұлтан қаласында өткен жарыста 3-ші орынды жеңіп алдым. Қарсыластар мықты болды. Жеңуге бар күшімді салдым.

Жалпы, «Қызылжар арландары» қазақ күресі спорт клубы осыдан бір жыл бұрын құрылған болатын. Ұйымның құрамында өңіріміздің 20-дан аса үздік палуаны жаттығады.

Бердімұрат Баймұқан

Бұдан әрі оқыңыз

“Qyzyljar” ФК “Академия Оңтүстік” командасын жеңді
Петропавлда қоян-қолтық ұрыстан ел чемпионаты өтті
Петропавлда спорт мектебінің жанынан колледж құрылды
«Qulager» хоккейшілері «Ertis» құрамасын тізе бүктірді
Жерлес футболшылар чемпион атанды
Хоккейшілеріміз қарымта кездесуде басым түсті
“Құлагер” ХК “Ақтөбе” құрамасынан минималдық есепте басым түсті
Аға буын өкілдері мен мектеп оқушылары шахмат ойнады
Көркем гимнастшылар сынға түсті
Қарымта кездесуде құлагерліктер “Altai Torpedo”-дан жеңіліс тапты
Конькимен жүгіруші Роман Креч үздіктер қатарынан көрінді
“Құлагер” ХК “Бейбарыс” командасымен қос кездесу өткізді