«Qulager» хоккейшілері «Ertis» құрамасын тізе бүктірді

Спорт

21:20 28 Қазан 2019

Өткен сенбіде «Qulager» хоккейшілері өз алаңында павлодарлық «Ertis» құрамасын қабылдаған болатын. Қарымта кездесуде жерлестеріміз қонақтарды 5:0 есебімен ойсырата жеңді. Бұл – олардың соңғы 7 ұтылысынан кейінгі алғашқы жеңісі.

«Qulager» хоккейшілері «Ertis»-пен өткізген алғашқы ойында қонақтарға есе жіберіп алған еді. Павлодарлықтар жерлестеріміздің қақпасына 5 шайба дарытса, теріскейлік хоккейшілер тек 2 голмен ғана шектелген болатын.

Ал бүгінгі кездесу мүлдем басқаша. Бұл ойында «Qulager» ширақ көрінеді. Олар соңғы 7 жеңілістен кейін күш жинаған сияқты. Төреші шайбаны тастаған бетте теріскейліктер бірден шабуылға көшті. Осы қарқынмен жерлестеріміз ойынның 57-ші секундында есеп ашты. Голдың авторы – Денис Стасюк.

Кейін дәл осы периодта «Qulager» хоккейшілері қарсыластарының қақпасына тағы 2 шайба дарыта білді. Есеп 3:0.

– Бәріміз де қуанып жатырмыз. Осылай ойнай берсе бүгін жеңеміз. Осыдан кейін ешқандай ұтылу болмасын деп тілеймін.


– Сайыстан алған әсерім өте ерекше. Хоккейге алғаш рет келіп отырмын. Кездесу ұнап жатыр. Енді бүгіннен кейін «Qulager» командасына жанкүйер болып, ойынын өткізбей қараймын.

Сайыстың 2-ші кезеңі де теріскейліктердің пайдасына шешілді. Мұнда «Qulager» командасының шабуылшысы Станислав Логинов дубль жасады. Ол екінші периодтың 11-ші және 12-ші минутында қарсыластардың қақпасына 2 шайбаны дәл бағыттай білді. Есеп 5:0.

Бұл ойында қақпашы Дмитрий Хозяшевті де бөлек атап өткен жөн. Ол қарсыластардың 33 мәрте жасаған қауіпті шайбалары мен шабуылын асқан шеберлікпен тойтара білді. Қарымта кездесудің 3-ші кезеңінде еш өзгеріс болмады. Қарсылас команда бұл ойында теріскейліктердің қақпасынан еш саңылау таба алған жоқ. Жерлес жанкүйерлер де мұндай ойынға дән риза.

Дмитрий Хозяшев – «Qulager» ХК қақпашысы:

– Барлық сәтсіздікдер осыменен аяқталды деп ойлаймыз. Біз бүгін мұз айдынына тек жеңу үшін шықтық. Жанкүйерлерге көп рақмет. Бәрі келіп қолдап жатыр.

Осылайша құлагерліктер бүгін абыройлы жеңіспен турнирлік кестенің 8-ші орнына табан тіреді.

 

 

Бердимурат Баймухан

Бұдан әрі оқыңыз

Қарымта кездесуде құлагерліктер “Altai Torpedo”-дан жеңіліс тапты
Конькимен жүгіруші Роман Креч үздіктер қатарынан көрінді
Хоккейшілеріміз қарымта кездесуде басым түсті
Палуандар жеке жаттығу базасына ие болды
Өңір зілтеміршілері халықаралық турнирден олжалы оралды
“Құлагер” ХК “Ақтөбе” құрамасынан минималдық есепте басым түсті
Көркем гимнастшылар сынға түсті
“Qulager” ХК өз алаңында “Алматы” құрамасын қабылдады
Өңірде жекпе-жектен облыстық турнир өтті
Аға буын өкілдері мен мектеп оқушылары шахмат ойнады
Али Алиев маусымның үздік жаттықтырушысы деп танылды
Киокушинкай каратеден қала әкімінің кубогі өтті