Бірыңғай сынып сағаты өтті

Қоғам

21:12 25 Қазан 2019

«Отбасы – тәрбие басы, мектеп – тәрбие жаршысы». Бүгін барша Қазақстанның білім ошақтарында бірыңғай сынып сағаты ұйымдастырылды. Шара әр жерде ерекше форматта өтті. №26 орта мектебінің ұжымы балалар үшін диалог алаңын ұйымдастырып, бастауыштың оқушыларына ойындар ойнатты.

Отан отбасыдан басталады. Сынып сағаты да осы тақырыпқа арналған. Шара барысында адамның өміріндегі ең жақын жандары – жанұясы туралы әңгіме қозғалуда. Оқушылар арнайы бейнеролик те әзірлепті. Видеоға балалар ата-ана, бауырларымен түскен суреттерін қосқан. Әрбіреуінде ұл-қыздар өздерінің отбасыларына махаббаттарын жеткізуде. Ал, әлем чемпионаттарының жүлдегері Аяжан Өтеғұлова болса, спорттағы жанұясы туралы әңгіме қозғауда. Осыдан 10 жыл бұрын нәзікжанды кекушинкай каратэмен айналыса бастапты. Ал, 2014-тен бері өзі де шәкірт тәрбиелеп келеді.

Аяжан Өтеғұлова – кекушинкай каратэден спорт шеберлігіне үміткер:

–  Біздің мақсатымыз – тек мықты спортшыларды ғана дайындау емес, ең бастысы жақсы, тәрбиелі балаларды тәрбиелеу. Тек телефонға үңілмей, спортпен де айналыссын деп оларды тартамыз.

26-шы мектеп оқушылары спортшы нәзікжандыны жақсы біледі. Себебі, дәл осы білім ошағының 50-ге жуық баласы Аяжаннан тәлім алады. Меңгергендерін олар бүгін өз аға-әпкелеріне көрсетуде.

Бірыңғай сынып сағаты бүгін еліміздің түкпір-түкпірінде ұйымдастырылды.

– Маған бүгінгі шара ұнады. Сынып сағатына арнайы бейнеролик әзірледім. Онда бос уақытымызды отбасымызбен бірге қалай өткізетінімізді көрсеттім. Біз әдетте киноға барып, табиғат аясында серуен құрамыз.

– Сынып сағаты шынымен де ерекше болды. Аяжан Өтеғұлованың спорттағы жанұясы туралы естігенде, өзім мүшелік ететін “Экспромт” би ансамблі ойыма келді. Біз де бір отбасыдай, бір-бірімізге әрдайым қолдау танытамыз.

Дәстүрлі шара орта және жоғары буын оқушылары арасында диалог алаңы ретінде өтсе, бастауыш сыныптарда ойын түрінде ұйымдастырылыпты.

 

 

Эльмира Садвокасова

Бұдан әрі оқыңыз

Петропавлда хакатон өткізілді
Биыл М.Жұмабаев ауданына 60-тан астам отбасы қоныс аударған
Әлеуметтік қызметтер порталы іске қосылады
Шаһарда ханшайымдар байқауы өтті
Балалар үйінің тәрбиеленушілеріне арналып экскурсия ұйымдастырылды
“Жас кәсіпкер” бағдарламасының жүзеге асуы
Балаларға көңілді кеш ұйымдастырылды
Әскери-техникалық мектептің түлектері ант қабылдады
Анасы мен қызын өлтірген Игорь Дементьев 21 жылға сотталды
“Үздік техникалық жобалар” байқауының облыстық кезеңі өтті
Шаһарда ішіктер жәрмеңкесі жалғасуда
Петропавлдықтар “Географиялық диктант – 2019” акциясына қатысты