Өңірде “Автобус” жедел-алдын алу шарасы өтуде

Құқық қорғау органдары

21:33 16 Қазан 2019

Жүргізушілердің дайындығы мен көліктердің техникалық жағдайы – полицейлердің жіті назарында. Қазір бүкіл ел көлемінде республикалық “Автобус” жедел-алдын алу шарасы өтіп жатыр. Оның аясында теріскейлік тәртіп сақшылары 5 күн бойы рейд өткізіп, 500-ден астам заңбұзушылықты анықтаған.

14-ші бағытта қатынайтын маршруттық автобус тәртіп сақшыларының назарына тағы да ілікті. Бұған дейін бірінің іші лас болса, осы жолы артқы жүріс сигналы істен шыққан.

Республикалық «Автобус» жедел-алдын алу шарасы аясында полиция қызметкерлері жол-көлік оқиғаларының алдын алу мақсатында қоғамдық көліктерді жіті тексеріп жатыр.

Баян Байғаскина – СҚО ПД ЖПҚ инспекторы:

– Петропавл қаласының соңғы аялдамаларында рейдтік іс-шаралар жүргізілді. Осы рейдтік іс-шара барысында қоғамдық көлік жүргізушілерінің арасында біршама әкімшілік құқық бұзушылықтар анықталды.

Тәртіп сақшылары 5 күннің ішінде 541 заңбұзушылық фактісін анықтаған. Қоғамдық көліктерді тізгіндегендерге қатысты маневр жасау ережесін сақтамағаны үшін – 88, ал жылдамдықты арттырғаны үшін 64 әкімшілік хаттама толтырылыпты. Көлік құралын заңсыз қайта жабдықтаған 18 адам жауапкершілікке тартылған. Жүргізушілердің арасында рөлде отырып алып, телефонмен сөйлесетіндері көп. Оларға ескерту жасалған.

 

 

 

 

Ешкенова Дана

 

Бұдан әрі оқыңыз

Петропавлдық Мадияр Өсербаевқа іздеу салынады
Жолға патрульдік полиция көлігінің макеті қойылды
«Қауіпсіз жол» жедел-профилактикалық іс-шарасы өтуде
Нәзікжанды жол апатынан қаза тапты
Кәсіпкерлер ақпараттандырылды
Бұзақы баланың қылығы
Петропавлда супермаркеттегі сақтау камерасынан сөмке ұрланды
Ана мен баланы өлтірді деген күдіктіге қатысты сот отырысы өтті
Оңай жолмен табыс табамын дегендер ұсталды
Полицейлер сап түзеді
Петропавлда 5 бірдей көлік қақтығысып қалды
Тұрғылықты мекені жоқ жандар арнайы мекемеге жеткізілуде