Магистратураға түсу емтиханы аяқталды

Білім

21:08 15 Тамыз 2019

Елімізде магистратураға түсу емтиханы аяқталды. Биыл бұл маңызды сынаққа 360-тан аса солтүстікқазақстандық талапкер қатысқан. Олардың 27-сі 100-ден асыра ұпай жинапты. Ал ең жоғары балл 119-ды құрады.

Биыл магистратураға түсетіндер кешенді тестілеуді жаңа формат бойынша тапсырған болатын. Оның ерекшелігі – емтихан ҰБТ жүйесі бойынша 5 кезеңге бөлінген. Яғни, әр пән бойынша жеке-жеке тест тапсыру.

Алмас Кенжеғалин – М.Қозыбаев атындағы СҚМУ қабылдау комиссиясы жауапты хатшысының орынбасары:

– Былтыр магистратураға түсу 2 кезеңнен өтетін болса, биыл ҰБТ форматында 1 күнде әр пән бойынша толық тапсырды. Тестілеу мерзіміне 3 сағат 50 минут беріледі.

Сондай-ақ, тестілеу кезінде барлық аудиторияларда камералар жұмыс істеді. Емтиханды онлайн трансляция арқылы білім және ғылым министрлігінің өкілдері мен «Қызылжар адалдық-алаңы» аймақтық жобалық кеңсесінің өкілдері бақылады. Үміткерлер арасында емтихан кезінде тестілеу ережесін бұзғандар да болыпты.

Ирина Голодова – М.Қозыбаев атындағы СҚМУ қабылдау комиссиясының жауапты хатшысы:

– Үміткерлердің 19-ы түрлі себептермен тестілеуге қатыспады. Тағы, 17-сі емтихан кезінде тестілеу ережесін бұзғаны үшін сынақ залынан шығарылды.

Емтихан нәтижесі бойынша 27 үміткер – 100-ден жоғары, 138-і 75-тен жоғары ұпай жинаған. Олар алдағы уақытта онлайн режимде өтетін гранттар байқауына қатысады. Яғни, 200-ге жуық талапкер. Ал биыл жергілікті университеттің магистратурасына 81 грант бөлінген екен.

 

 

Бердимурат Баймухан

Бұдан әрі оқыңыз

Жергілікті жастар кәсіби шеберлік сайысынан үш жүлдемен оралды
Өңір колледждерінде парасаттылық пен адалдық сағаты өтті
Пәнаралық олимпиаданың қалалық кезеңі өтуде
НЗМ студенттері киіз басуды үйренуде
Химия-биология бағытындағы НЗМ-де ашық есік күні өтті
Оқушылар “Жас ұлан” ұйымына қабылданды
Техникалық маман иелерінің үздігі анықталды
Химия-биология бағытындағы НЗМ аккредитациядан өтті
49 студент шетелде өткен өндірістік тәжірибеден оралды
Шәкіртақының өсетіні өңір студенттерін қуантпай қоймады
“Адал ұрпақ” клубтарының белсенділері бас қосты