Қала күні аталып өтпек

МТРА жаңалықтары

11:00 11 Шілде 2019

Биыл Петропавлға 267 жыл толады. Үстіміздегі жылы облыс орталығының төл мерекесі дәстүрге сай кең көлемде аталып өтпекші. Шаһарда 4 күн бойы түрлі мәдени, қайырымдылық және спорттық іс-шараларды ұйымдастыру жоспарланып отыр.

Қала күнін тойлау 11-ші шілдеде бастау алады. Таңертен №17 ұлттық өркендеу мектеп-кешенінде “Бақытты қала” балалар спартакиадасы өтпек. Онда ұл-қыздар арасында шағын футболдан турнир ұйымдастырылмақ. Ал сағат 16:00-де орталық алаңға келген жөн. Ол жерде кешкі 6-ға дейін стритболдан, шахматтан, асық ату мен тоғызқұмалақтан сайыс өтпек.

Мафруза Науанова – қалалық мәдениет және тілдерді дамыту бөлімінің басшысы:

– Биыл Петропавл күнін тойлау аясында алғаш рет “Қызылжар-квест” атты ойын өткізіледі. Ол 12-ші шілде күні таңғы 10 жарымда қалалық әкімдіктің маңынан бастау алады. Осылайша күндізгі 13:00-ге дейін созылмақ. Оған кез келген адам қатыса алады. Тұрғындар ойын барысында қызықты тапсырмаларды орындап, тарихқа шолу жасайды. Тағы, бұл күні халықаралық этно-фольклорлық фестиваль де болады.

Мерекелік шаралардың негізгісі 13-і өтеді. Бұл күні таңертен орталық алаңда “Петропавл – менің сүйікті қалам” атты балалар фестивалі ұйымдастырылмақ. Онда концерт қойылып, жергілікті аниматорлардың шеруі болады. Ал 16:00-де Тәуелсіздік стеласының маңында жас жұбайлардың қатысуымен көңілді бағдарлама өткізіледі.

Мафруза Науанова – қалалық мәдениет және тілдерді дамыту бөлімінің басшысы:

– Тәуелсіздік стеласы маңында “Керемет жұп” мәдени-ойын-сауық бағдарламасы өтеді. Бұл іс-шараға қала күнінде отау құрған жастарды қатысуға шақырамыз. Сіздерді сыйлықтар күтіп тұр. Әрі концертті де тамашалай аласыздар.

Шілденің 14-і күні “Солтүстік жұлдызы” саябағында бояу фестивалі, жағажай волейболы мен футболдан жарыс өтеді. Кешке орталық алаңда жастарға арналған бірнеше іс-шара ұйымдастырылмақ.

Байболат Бектемірұлы

Бұдан әрі оқыңыз

Өңірлік кеңес сайлауына 62 кандидат қатысады
Күш құрылымдары індеттен көз жұмғандарды еске алды
Құрбан айттағы бірқатар шараларға шектеулер қойылады
Инновациялық кәсіптік даму колледжі ашылды
Қызылжар ауданындағы 25 ауылға жарықдиотты шамдар орнатылуда
Қазақстанда “Жас отбасы” ипотекалық бағдарламасы іске қосылды
Кәсіпкерлер палатасы жанындағы өңірлік кеңеске мүшелерді сайлау басталды
Отандастарымызға 42 500 теңге тағайындалуда
Көліктік бақылау инспекциясы мемлекеттік қызметтің 19 түрін көрсетеді
Облыстық кітапханада ерекше көрме өтті
Гуманитарлық жәрдем СҚО-ға жеткізілді
Карантинді бұзған тойдың да шырқы бұзылды