Нәрестеге домбыра тарту етілді

Қоғам

10:54 10 Шілде 2019

Домбыра – атадан балаға жеткен асыл мұра. Ұлттық құндылықтарды бойға сіңіріп, үлкен азамат болып өссін деген тілекпен музыкалық аспап Домбыра күні дүниеге келген нәрестеге тарту етілді. Өнегелі шараны облыстық Қазақстан халқы ассамблеясының өкілдері ұйымдастырды.

Ғалия Сұлтанова сәбиін шілденің 6-сынан 7-сіне қараған түні, сағат 2-де босанған. Келіншек мереке күні үшінші қызын жарық дүниеге әкелді. Нәрестенің салмағы – 3 келі 400 гр, бойы – 55 см. Перзентінің атын отбасылық дәстүр бойынша азан шақырып қоятынын айтты.

Ғалия Сұлтанова:

–  Біздің жанұяда да атамыз домбыра тартады. Немерелері де атасының жолын қуады деп ойлаймын.Есімін атасы қояды.
Барша отбасыға бақыт пен денсаулық тілеймін.

Жаңа туған нәресте – мәдени құндылықтарымызды сақтаушы. ҚХА-ның өкілдері өткен жылы домбыра күні дүниеге келген ұл балаға ұлттық аспапты тарту еткен. Биыл дәстүрлі шараның ұйымдастырушылары өз сыйлықтарын мерекеде туылған қызға табыс етті.

Күлімкөз Смайылова – облыстық Қазақстан халқы ассамблеясы жанындағы аналар кеңесінің төрайымы:

– Біз еліміздің ұлтымыздың қасиетті домбырасын насихаттау үшін осындай акция өткізіп жатырмыз. Домбыра күні дүниеге келген сәбиге ұлттық аспап сыйға беріледі.

Шілденің 7-і еліміздің барлық облыстарында «Ұлттың саз байрағы – Домбыра» атты республикалық акция өткізілді. Жалпы, бұл күні Петропавлдағы перинаталдық орталықта 16 сәби дүниеге келген.

Маржан Касымбек

Бұдан әрі оқыңыз

Жасөспірімдер арасында аутодеструктивті мінез-құлықтың алдын алу
Қалалық қоғамдық кеңесінің отырысы
“Адал ұрпақ” клубтарының белсенділері бас қосты
Мектеп оқушылары дебат турнирінде бақ сынасты
“Үздік техникалық жобалар” байқауының облыстық кезеңі өтті
Атаулы әлеуметтік көмек жүйесіндегі өзгерістер
Петропавлда мемлекеттік қызметтер жәрмеңкесі өтті
Айыртау ауданының әкімі журналистер алдында есеп берді
М.Жұмабаев ауданының тұрғындары шаштараз мамандығын меңгеруде
Анасы мен қызын өлтірген Игорь Дементьев 21 жылға сотталды
Солтүстікқазақстандық жастар пікірлерімен бөлісті
«Халық заңгері» атты республикалық акция өтті