Жерлестеріміз жүлделі оралды

Спорт

11:41 24 Мамыр 2019

Жерлес жас кикбоксшылар республикалық чемпионаттан жүлделі оралды. Олардың біреуі – алтын, екіншісі – күміс, ал үшеуі қола медаль иеленген. Қызылорда қаласында өткен турнирге 300 спортшы қатысыпты.

Бесеуі де – Камиль Сафин атындағы бокс мектебінің тәрбиеленушілері.Кұрбанғали Төлегеннің спортқа ден қойғанына көп болмаған. Десе де, бүгінге дейін біраз медаль жиып үлгерген. Жеңіске деген жігері жоғары жас кикбоксшы республикалық сайыста 3-ші орынға ие болды.

Құрбанғали Төлеген, К.Сафин атындағы бокс мектебінің тәрбиеленушісі:

– Мен осы кикбокспен 1 жыл айналысып жүрмін. Тренерім мені жарысқа Қызылордаға жіберді. 2:1 есебімен жеңіске жеттім.Бокс саласынан маған ұнайтын ол Геннадий Головкин болып табылады. Өйткені, ол – біріншіден чемпион және де жақсы спортшы. Өз спортын жақсы танып білген адам.

Ал Мәдина Бауыржан қанжығаға алтынды басқан. Кикбокспен 2 жылдан бері шұғылданып жүрген бойжеткен бұдан басқа да талай дүбірлі додада топ жарған.

Мәдина Бауыржан, К.Сафин атындағы бокс мектебінің тәрбиеленушісі:

– Менің сыныптасым келді, ол маған бокспен айналысатынын айтты, оны маған бокс мектебінің карточкасын әкелуді өтіндім. Осыдан кейін мен боксқа әрқашан барамын.

Негізі, Қызылордада кикбокстан өткен ел чемпионатына 9 теріскейлік қатысқан екен. Соның 5-уі жүлделі орындарға ие болған. Енді қазір спортшылар тағы бір республикалық жарысқа дайындалып жатыр.

Сабыржан Сақтағанов, К.Сафин атындағы бокс мектебінің аға жаттықтырушысы:

– Жасөспірімдер арасындағы келесі жарыс Қордай қаласында өтеді. Шамамен маусымның 18-і мен 22-сі аралығына жоспарланып отыр. Оқу-жаттығу жұмыстарын қазірден бастап тыңғылықты түрде жүргізудеміз.

Бұл дүбірлі додада солтүстікқазақстандық кикбоксшылар тағы бір мәрте үздіктер қатарынан көрінетіндеріне сенімді.

Дана Қалиева

Бұдан әрі оқыңыз

Хоккейшілеріміз қарымта кездесуде басым түсті
Шаһарда бокстан республикалық турнир бастау алды
“Qulager” ХК өз алаңында “Алматы” құрамасын қабылдады
“Qulager” құрамасы “Астана”-ны 8:0 есебімен ұтты
Али Алиев маусымның үздік жаттықтырушысы деп танылды
Жасөспірімдер арасында жеңіл атлетикадан республикалық турнир өтіп жатыр
Хоккейшілеріміз сенімді ақтамауда
Петропавлда қоян-қолтық ұрыстан ел чемпионаты өтті
Конькимен жүгіруші Роман Креч үздіктер қатарынан көрінді
Петропавлда спорт мектебінің жанынан колледж құрылды
Өңір спортшылары әлем чемпионатынан жүлдемен оралды
Өңір зілтеміршілері халықаралық турнирден олжалы оралды