Қазақстанда “Бірге” акциясы бастау алды

МТРА жаңалықтары

9:47 14 Мамыр 2019

Қазақстанда “Бірге” атты жалпыұлттық акция бастау алды. Бұл – жоғарғы мемлекеттік лауазымға үміткерлердің бірі Қасым-Жомарт Тоқаевтың бастамасы. Акция аясында алдағы бір ай бойы отандастарымыз жүректегілерін жеткізіп, елді дамытуға тікелей атсалыса алады.

Президенттікке үміткерлер анықталды. Олардың саны – 7-еу. Осыдан бірер күн бұрын кандидаттар сайлауалды үгіт-насихат жұмыстарын бастап кетті. Бұл үшін олардың әрқайсысына 7 млн 331 мың 200 теңгеден бөлінді. Оқушылар сарайында “Nur Otan” партиясының атынан ұсынылған кандидаттың аймақтық қоғамдық штабының өкілдері мен үміткердің сенімді тұлғалары бас қосуда. Мамырдың 13-і мен маусымның 7-сі аралығында олар өңірде “Бірге” атты акция өткізетін болады.

Абылайхан Қайроллаев, «Jas Otan» ЖҚ облыстық филиалының төрағасы:

– «Бірге» акциясы аясында тұрғындардың бұйымтайлары, ұсыныс-шағымдарын жинап, Қ.Тоқаевтың республикалық штабына жібереміз. Әсіресе, жастармен жұмыс жасамақшымыз. Бұл оңай болу үшін әлеуметтік желілер арқылы үгіт-насихат шараларын бастап кеттік. Басты мақсат -сайлауға қатысушы әр азамат дауысының маңыздылығын атап өтіп, бірлесе жұмыс жасау.

Шамамаен бір айға жуық уақыт бойы теріскейдің барлық аудандары мен Петропавлда қоғамдық қабылдаулар жүргізілетін болады. Бұл акция – тікелей Қасым-Жомарт Тоқаевтың бастамасы. Президенттіке үміткер осылайша халықты белсенділік танытып, Қазақстан дамуының басым бағыттарын айқындауға қатысуға шақыруда.

 

Саят Ермек

Бұдан әрі оқыңыз

Азаматтарды қоғамдық қабылдау өтті
Теріскейлік оқушы халықаралық байқаудың жеңімпазы атанды
Солтүстікқазақстандық дизайнер “ALTYN OIMAQ” байқауына қатысуда
Шаһарда “Ауыл” партиясының мүшелері есеп берді
Қол астындағы қызметкер жемқорлыққа барса, басшы жұмыстан кетеді