Оқушыларға “28 панфиловшы” фильмі көрсетілді

Балалар

13:49 9 Мамыр 2019

Панфилов қолбасшылық еткен 316-атқыштар дивизиясының ерлігі көптің есінде. Бұл құрылым құрамындағы жаужүрек 28 сарбаз Мәскеуге бет алған неміс танкілерін тоқтатқаны мәлім. 2016 жылы батырлар жайлы фильм жарық көріп, көпшілік назарына ұсынылды. Бүгін бұл туынды петропавлдық оқушыларға көрсетілді. Оны ұл-қыздар ашық аспан астында тамашалады.

Дәл казір Оқушылар сарайының алдында 400-ге жуық жасөспірім жиналған. Олар LED экраннан “28 панфиловшы” фильмін тамашаламақ.

Нүрзия Майлина – Оқушылар сарайы директорының орынбасары:

– Ұлы Жеңіс күніне орай бүгін оқушыларға әскери фильм көрсетілуде. 28 панфиловшының ерлігі жайлы жас ұрпағымыз біліп жүрулері тиіс.

Айта кетейік, фильм 2016 жылы жарыққа шыққан. Мұнда 1941 жылдың 16 қарашасында Мәскеуді неміс фашистерінің шабуылынан қорғаған 316-атқыштар дивизиясының 28 жауынгері көрсеткен ерлік істері баяндалады. Көркем туындыны тамашалаған оқушылар кинодан алған әсерлерімен бөлісті.

–  9 мамыр күні әрдайым отбасымызбен теледидар алдына жиылып, әскери фильмдерді тамашалаймыз. Ал бүгін сыныптастарыммен “28 панфиловшы” туындысын көрдік. Өте әсерлі фильм.

–  Маған фильм қатты ұнады. Батыр бабаларымыз отан үшін от кешіп, туған жерін қорғау жолында құрбан болды. Бұл фильм сол ардақты аталарымызды ұмытпауға, ерлердің ерлігін қастерлеуге жетелейді.

Дана Сәлімқызы

Бұдан әрі оқыңыз

Петропавлда “Бақытты отбасы” орталығы ашылды
№17 мектепте жазғы сауықтыру лагері жұмысын бастады
Қазақ театрында Балаларды қорғау күні атап өтілді
Жергілікті НЗМ-де 129 түлекке аттестат табыс етілді
Жазғы лагерьлер қаншалықты дайын
“Аққайың” лагерінде 180-ге жуық бала демалуда
Жетім және ата-ана қарауынсыз қалған 125 жас биыл пәтер иеленеді
Өңірде 134 мыңнан астам бала сақтандырылған
Облыс кітапханашыларының семинары өтті
Бүлдіршіндерге жолда жүру ережесі түсіндірілді
Биыл жергілікті университетті 1840 жуық студент тәмамдайды
Әткеншектен құлап, жарақат алған балалар саны артуда