Теріскейлік құрама “Шахтер” футбол командасын қабылдады

Спорт

13:50 19 Маусым 2018

Матчтың алғашқы минуттарынан-ақ “Шахтер” құрамасы қарқынды шабуылға көшті. Бірнеше рет гол соғуға тырысқанымен, қызылжарлық қақпашы Антон Цирин бұған жол бермеді. Теріскейлік құрама да бірнеше рет шабуыл жасап еді, алайда қарсылас құраманың қорғанысын бұза алмады. Сонымен бірінші тайм аяғына жетті. Әзірге есеп 0:0.

– Біздің құрама 1:0 есебімен ұтады деп ойлаймын.

– Командамыз жақсы ойнап жатыр. Жеңміз деп ойлаймын.

Көп ұзамай екінші тайм басталып кетті. Жаңбыр жауғанына қарамастан, қос команда аянбай барын салуда. Алаң иелері “Шахтерлердің” қақпасын тағы шабуылға алғанымен, бәрі нәтижесіз болды. Әйтеуір, ойынның аяқталуына 1 минут қалғанда ғана теріскейлік құрама қарсылас қақпаға допты дәл бағыттап, жанкүйерлерін қуантты.

Гол авторы – қызылжарлық Тимур Мульдинов. Негізгі уақытқа тағы 4 минут қосылды. Абрырой болғанда, қарсылас құрама есепті теңестіре алмады. Жеңіс – қызылжарлықтардың еншісінде.

Тимур Мульдинов – “Қызыл – Жар СҚ” ФК командасының шабуылшысы:

– Ойын өте ауыр өтті. Жаңбыр да кедергі келтірді. Біздің тарапымыздан аздап дәлдік жетіспеді деп ойлаймын. Жалпы қарсыластарымыз жақсы ойын өрнегін көрсетті. Жанкүйерлерімізге де көп рахмет. Ауа райының қолайсыздығына қарамастан, олар бізді қолдауға келді.

Осы кездесуден кейін “Қызылжар-Жар СҚ” командасы турнирлік кестеде 11-ші орыннан 8-ші сатыға көтерілді. Келесі матч маусымның 23-і сырт алаңда талдықорғандық “Жетісумен” өтеді.

Молдир Макишева

Бұдан әрі оқыңыз

Нұрқожа Қайпанов күміс медаль еншіледі
Али Алиев маусымның үздік жаттықтырушысы деп танылды
“Құлагер” ХК “Бейбарыс” командасымен қос кездесу өткізді
Аға буын өкілдері мен мектеп оқушылары шахмат ойнады
Өңірде жекпе-жектен облыстық турнир өтті
Тартысты матч тең аяқталды
“Qulager” ХК “Теміртау”-дан жеңіліс тапты
Хоккейшілеріміз қарымта кездесуде басым түсті
Жерлес футболшылар чемпион атанды
Көркем гимнастшылар сынға түсті
«Qulager» хоккейшілері теміртаулықтарға есе жіберіп алды
Киокушинкай каратеден қала әкімінің кубогі өтті