Петропавл тұрғындарының 6 млн теңгеден астам коммуналдық қарызы бар

МТРА жаңалықтары

14:03 23 Қазан 2015

Сергей Худяков – СҚО ПИК қауымдастығының төрағасы:

– Біздің қауымдастыққа ПИК төрағалары тұрғындар төлейтін тиісті соманы бермей жатыр деген шағыммен келеді. Осы орайда пәтер иелеріне айтқым келетіні әркім өзінің тұратын аумағын, үйін таза әрі ұқыпты ұстауы керек. Сол себепті, кооператив мүшелеріне қарыз болмай, белгіленген мөлшердегі ақшаны уақытылы тапсырып отырса деймін. Өйткені, сот алдына келген істің 99 пайызы кооператив мүшелерінің пайдасына шешіледі.

Бүгінде қала тұрғындарының пәтер иелері кооперативіне ең аз қарыз сомасы 396 теңге болса, ең көбі 120 мың теңгеден асып жығылады.

Гүлнар Күзембаева – СҚО әділет департаментінің сот орындаушысы:

– Жыл басынан облыстық әділет департаментіне тұрғындардан коммуналдық қарызды өндіріп алу бойынша 270 іс келіп түсті. Жалпы сомасы 6 млн 91 мың 399 теңгені құрайды. Бүгінде оның 81-і орындалып, 1 млн 722 мың 800 теңгесі қайтарылды. ҚР атқару өндірісі туралы заңының 32,33,34-ші баптарына сәйкес сот орындаушылар борышкерлердің мүлкін тәркілеп, меншік иесінің жүргізуші куәлігін қарызын толығымен қайтарғанша қолдарына ұстатпайды.

Рейд соңында Петропавл қаласының 14 тұрғынына сот орындаушыларынан жазбаша хабарлама беріліп, меншік иелерімен тиісті әңгімелер жүргізілді.

Айгерим Ержанова

Бұдан әрі оқыңыз

Карантинді бұзған тойдың да шырқы бұзылды
Мемлекеттік қызметшілер ым тілін үйренуде
Облыстық кітапханада ерекше көрме өтті
Инновациялық кәсіптік даму колледжі ашылды
СҚО-да жүзеге асатын инвестициялық жобалар пысықталды
Ең көп жұмыс орындары – құрылыс саласында
Жөнделген жолдың сапасы сын көтермейді
Облыс әкімінің орынбасары Антон Федяев отставкаға кетуі мүмкін
500 мың теңге пара алды деген күдікпен ұсталды
Көліктік бақылау инспекциясы мемлекеттік қызметтің 19 түрін көрсетеді
Теміржол вокзалындағы жаңғырту жұмыстары желтоқсан айында аяқталады
Тамыздың бірінен жарық қымбаттайды